દ્વારકા નજીક કારની ઠોકરે બાઈક ચાલકનું મૃત્યુ

April 04, 2025 11:01 AM

દ્વારકાથી આશરે ચાર કિલોમીટર દૂર વરવાળા રોડ પર આવેલા એક પેટ્રોલ પંપ પાસેથી જી.જે. 37 એચ. 9077 નંબરના મોટરસાયકલ પર બેસીને જઈ રહેલા ધનાભાઈ નાયાભાઈ રાઠોડના મોટરસાયકલ સાથે પૂરઝડપે અને બેફિકરાઈપૂર્વક આવી રહેલી અર્ટિગા કાર નંબર જીજે 23 સી.સી. 6398 ના ચાલકે ધનાભાઈના મોટરસાયકલને પાછળથી ધડાકાભેર ટક્કર મારતા તેઓ રોડ પરથી ફંગોળાઈ ગયા હતા અને તેમને શરીરના જુદા જુદા ભાગોમાં જીવલેણ ઇજાઓ થતાં તેમનું મૃત્યુ નીપજ્યું હતું. આ બનાવ અંગે દ્વારકામાં રુક્ષ્મણી નગર વિસ્તારમાં રહેતા હમીરભાઈ રાજાભાઈ ચાનપા (ઉ.વ. 35) ની ફરિયાદ પરથી દ્વારકા પોલીસે અર્ટિગા કારના ચાલક સામે જુદી જુદી કલમ હેઠળ ગુનો નોંધી, જરૂરી કાર્યવાહી કરી હતી.

દ્વારકામાં વિપ્ર યુવાનનો મોબાઈલ ચોરાયો

દ્વારકામાં દ્વારકાધીશ મંદિર પાસે રહેતા ચિરાગભાઈ જયકિશોરભાઈ ઉપાધ્યાય નામના 45 વર્ષના યુવાનનો રૂપિયા 45,000 ની કિંમતનો મોટોરોલા ફોન કંપનીનો મોબાઈલ ફોન કોઈ ગઠિયા ચોરી કરીને લઈ ગયા હોવાની ફરિયાદ દ્વારકા પોલીસ મથકમાં નોંધાઈ છે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 9510972318

View News On Application