પહલગામ આતંકવાદી હુમલાના 15 દિવસ બાદ ભારતે મંગળવારે રાત્રે પાકિસ્તાન અને પાકિસ્તાન અધિકૃત કાશ્મીર (PoK)માં 9 આતંકવાદી ઠેકાણાં પર હુમલો કર્યો.

દેશના 25 રાજ્યો અને કેન્દ્રશાસિત પ્રદેશોના 244 સિવિલ ડિફેન્સ ડિસ્ટ્રિક્ટમાં બ્લેકઆઉટ એક્સરસાઇઝ થઈ રહી છે. ગૃહ મંત્રાલયે આ જગ્યાઓને સિવિલ ડિફેન્સ ડિસ્ટ્રિક્ટ તરીકે સૂચિબદ્ધ કરી છે. આ સામાન્ય વહીવટી જિલ્લાઓથી અલગ છે.

આ પહેલાં આ 244 ડિસ્ટ્રિક્ટમાં યુદ્ધ દરમિયાન બચાવની રીતોને લઈને મોક ડ્રિલ યોજાઈ હતી. તેમાં લોકો, કર્મચારીઓ, વિદ્યાર્થીઓને કટોકટીની સ્થિતિમાં બચાવ અને લોકોને બહાર કાઢવાની રીતો સમજાવવામાં આવી હતી.

સિવિલ ડિફેન્સ ડિસ્ટ્રિક્ટ્સને તેમની સંવેદનશીલતાના આધારે 3 કેટેગરીમાં વહેંચવામાં આવ્યા છે. કેટેગરી-1 સૌથી સંવેદનશીલ અને કેટેગરી-3 ઓછી સંવેદનશીલ છે. ગૃહ મંત્રાલયે 5 મેના રોજ તમામ રાજ્યોને મોક ડ્રિલ કરાવવાના આદેશ જારી કર્યા હતા.