ઠેબા ગામથી રથનો પ્રારંભ કરાયો, 7 દિવસમાં 45 ગામોમાં રથ ફરશે

ખોડલધામ ટ્રસ્ટ- કાગવડ સંચાલિત "કેન્સર હોસ્પિટલ એન્ડ રિસર્ચ ઈન્સ્ટિટ્યૂટ" ના લાભાર્થે જામનગર તાલુકામાં ખોડીયાર માતાજીની શોભાયાત્રા (રથ) તથા દરેક ગામોમાં માતાજીની મહા આરતીનું ભવ્ય આયોજન કરવામાં આવ્યું છે. જ્યારે આજરોજ 2 મેએ સવારે મા ખોડલના રથનો પ્રારંભ કરવામાં આવ્યો હતો. જેમાં સર્વ સમાજના લોકો મોટી સંખ્યામાં હાજર રહ્યા હતા.

ઠેબામાં કેન્સર હોસ્પિટલની થીમ અને મા ખોડલના રથનું રંગોળી કરી સ્વાગત કર્યું હતું અને જે રૂટ ઉપર રથ પરિભ્રમણ કરવાનો છે તે તમામ રૂટને શણગારવામાં આવ્યા છે. સર્વે સમાજના લોકો દ્વારા રથનું ભવ્ય સ્વાગત કરવામાં આવ્યું હતું.