રજાઓનાં દિવસોમાં યાત્રિકો ગંગા આરતી સાથે હરિદ્વાર યાત્રાનો લાભ લઈ રહ્યાં છે. ભાવિક યાત્રિકોને સ્નાન પૂજન સાથે દિવ્ય આરતી માટે ભારે ભાવ અને આકર્ષણ રહેલ છે.
શૈક્ષણિક રજાઓનાં આ દિવસો દરમિયાન હરિદ્વારમાં પ્રવાસીઓ ખૂબ મોટા પ્રમાણમાં આવતાં રહ્યાં છે. હર કી પૈડી સ્થાનમાં મુખ્ય ગંગા માતાજી આરતી પૂજનનો મહિમા રહેલ છે.
ઉત્તરાખંડ ચાર ધામ યાત્રાનાં પ્રારંભે હરિદ્વારમાં ગુજરાત અને સમગ્ર દેશ સાથે વિદેશનાં યાત્રિક પ્રવાસીઓ આવતાં રહે છે. અહીંયા આશ્રમો અને સંસ્થાઓમાં કથા પારાયણનાં અસંખ્ય આયોજનો ચાલે છે.
હર કી પૈડી સ્થાનમાં દિવસભર સ્નાન પૂજન અને દર્શન સાથે સાંજે ગંગા આરતીમાં સૌથી વધુ ભીડ રહે છે. ગંગા સભા સંસ્થા દ્વારા આ ક્ષેત્રની સંભાળ રાખવામાં આવે છે અને પવિત્રતા સાથે ગંગા પરિસરમાં સ્વચ્છતા માટે ખૂબ ચીવટ રાખવામાં આવે છે.  હર કી પૈડીનાં બ્રહ્મકુંડ પર અને સાથેનાં બીજાં ઘાટ પર સ્નાન પૂજન સાથે અહીંના મંદિરોમાં ભાવિક યાત્રિકોને દર્શન સાથે દિવ્ય આરતી માટે ભારે ભાવ અને આકર્ષણ રહેલ છે.