રસ્તો ક્રોસ કરતી વેળાએ કાર કાળ બનીને ત્રાટકી : ચાલકની શોધખોળ

જોડીયામાં હિટ એન્ડ રનના બનાવમાં કારની ઠોકરે રસ્તો ઓળંગી રહેલા પ્રૌઢાનું ગંભીર ઇજા સબબ સ્થળ પરકરુણ મૃત્યુ નીપજ્યું છે. આ બનાવ અંગે મૃતકના પુત્ર દ્વારા નાશી છુટેલા કારચાલક સામે ફરીયાદ કરવામાં આવી છે.

જોડિયા તાલુકાના નવા માવનું ગામમાં રહેતા મનોજભાઈ કાંતિલાલભાઈ રાઠોડ ના વૃદ્ધ માતા લક્ષ્મીબેન (ઉંમર વર્ષ 70) કે જેઓ માવનું ગામના પાટીયા પાસે રસ્તો ક્રોસ કરી રહ્યા હતા,જે દરમિયાન પૂરપાટ ઝડપે આવી રહેલી જી.જે.12 ઇ.ઇ. 0434 નંબરની ફોર્ડ ફિગો કારના ચાલકે હડફેટમાં લઈ ચગદી નાખતાં હેમરેજ સહિતની ગંભીર ઈજા થઈ હતી, અને તેઓનું કરુણ મૃત્યુ નીપજ્યું છે.

આ અકસ્માત સર્જીને કાર ચાલક ભાગી છૂટ્યો હોવાથી જોડિયા પોલીસ મથકમાં કાર ચાલક સામે ફરિયાદ નોંધાવતાં પોલીસે બનાવના સ્થળે પહોંચી જઈ મૃતદેહનો કબજો સંભાળ્યો છે, અને કારચાલક સામે ગુનો નોંધી તેની શોધખોળ હાથ ધરી છે.