દ્વારકામાં બે વર્લી ભક્ત ઝડપાયા

ખંભાળિયા તાલુકાના સલાયા નજીક આવેલા સોડસલા ગામના સ્મશાન પાસેથી પોલીસે સલાયા ગામના રહીશ કાંતિ નરશીભાઈ નડીયાપરા (ઉ.વ. 65) નામના શખ્સ દ્વારા પોતાના કબ્જા ભોગવટાના રહેણાંક મકાનમાં બહારથી માણસો બોલાવી અને નાલ ઉઘરાવી, રમાડાતા જુગાર પર દરોડો પાડ્યો હતો.

આ સ્થળેથી પોલીસે કાંતિ નરશીભાઈ નડીયાપરા, મનસુખ કાંતિભાઈ નડીયાપરા, રાજુ કાંતિભાઈ નડીયાપરા, જીવા વેરશીભાઈ ભુવા અને લખમણ અમરાભાઈ જાપડા નામના પાંચ શખ્સોને ઝડપી લીધા હતા. પકડાયેલા આ શખ્સો પાસેથી પોલીસે રૂપિયા 17,670 રોકડા તેમજ રૂપિયા 25,000 ની કિંમતના ચાર નંગ મોબાઈલ ફોન મળી, કુલ રૂપિયા 42,670 નો મુદ્દામાલ કબજે કરી, સલાયા મરીન પોલીસે જુગારધારાની કલમ હેઠળ કાર્યવાહી કરી હતી.

દ્વારકામાં આવેલી એક હોટલ પાસેથી પોલીસે વરલી મટકાનો જુગાર રમી રહેલા યુનુસ મામદ મુસાણી અને દેવજી ડાયાભાઈ વેગડ નામના બે શખ્સોને ઝડપી લઇ, કુલ રૂપિયા 10,260 નો મુદ્દામાલ કબજે કર્યો હતો.

ખંભાળિયા નજીક મોબાઈલ ટાવરમાંથી રેડિયો ફ્રિક્વન્સીની ચોરી

ખંભાળિયાથી આશરે 18 કિલોમીટર દૂર ઠાકર શેરડી ગામે રહેતા એક આસામીની વાડીમાં રહેલા રિલાયન્સ જીઓ કંપનીના મોબાઈલ નેટવર્કના ટાવરમાંથી કોઈ અજાણ્યા તસ્કરો રૂ. 18,000 ની કિંમતની રેડિયો ફ્રિક્વન્સીની ચોરી કરીને લઈ ગયા હોવાનું ખુલવા પામ્યું છે. આ બનાવ અંગે ભાવનગરના ઉમેદસિંહ ગોહિલ (ઉ.વ. 57) ની ફરિયાદ પરથી ખંભાળિયા પોલીસે અજાણ્યા તસ્કરો સામે ગુનો નોંધી, આગળની તપાસ હાથ ધરી છે.