દસ શખ્સો ઝડપાયા

કલ્યાણપુર પંથકમાં સ્થાનિક પી.એસ.આઈ. યુ.બી. અખેડ તેમજ સ્ટાફ દ્વારા શનિવારે હાથ ધરવામાં આવેલા પેટ્રોલિંગ દરમિયાન કલ્યાણપુર તાલુકાના ચંદ્રાવાડા ગામની સીમમાંથી પોલીસે જાહેરમાં ગંજીપાના વડે જુગાર રમી રહેલા હાજા બાલુ અમર, રામ કરસન અમર, મના માંડણ ઓડેદરા, દેવશી અઘુરભાઈ મોઢવાડિયા, નાગાજણ પરબત મોઢવાડિયા અને કેશુ પરબત અમર નામના છ શખ્સોને ઝડપી લઈ, કુલ રૂપિયા 14,500 નો મુદ્દા માલ કબજે કરી, જુગારધારાની કલમ હેઠળ કાર્યવાહી કરી હતી.

દ્વારકા વિસ્તારમાં સ્થાનિક પી.આઈ. ડી.એચ. ભટ્ટ તેમજ સર્વેલન્સ સ્ટાફ દ્વારા કરવામાં આવેલી કાર્યવાહીમાં દ્વારકાથી આશરે 12 કિલોમીટર દૂર કલ્યાણપુર ગામની સીમમાંથી દેરાજભા હદુભા કેર, જગાભા ડાવાભા માણેક, તેજાભાઈ સાજાભાઈ સુમણીયા અને હંસરાજ રાયદે સુમાયત નામના ચાર શખ્સોને ઝડપી લઈને કુલ રૂપિયા 10,200 નો મુદ્દામાલ કબજે કર્યો હતો.