ગુજરાતમાં મે મહિનાની કાળઝાળ ગરમીએ પોતાનું રૌદ્ર સ્વરૂપ બતાવવાનું શરૂ કરી દીધું છે. આજે 13 મે, 2026 ના રોજ રાજ્યના અનેક શહેરોમાં પારો 40 ડિગ્રીને પાર કરી ગયો છે, જેના કારણે બપોરના સમયે રસ્તાઓ સુમસામ જોવા મળ્યા હતા.

મુખ્ય શહેરોના તાપમાનના આંકડા:
આજના તાપમાનના અહેવાલ મુજબ, અમદાવાદ 44.1°C સાથે રાજ્યનું સૌથી ગરમ શહેર નોંધાયું છે. અન્ય મુખ્ય શહેરોની વિગત નીચે મુજબ છે:

​​​​​​​

જ્યારે દરિયાકાંઠાના વિસ્તારોમાં ગરમીનું પ્રમાણ પ્રમાણમાં ઓછું રહ્યું છે. દ્વારકામાં 33.3°C, વેરાવળમાં 33.8°C અને સુરતમાં 34.3°C તાપમાન નોંધાયું છે, જે મધ્ય ગુજરાત અને સૌરાષ્ટ્રની સરખામણીએ ઘણું ઓછું છે.

હવામાન વિભાગે કચ્છ અને સુરેન્દ્રનગર જિલ્લામાં આગામી બે દિવસ માટે ઓરેન્જ એલર્ટ જાહેર કર્યું છે. જ્યારે દ્વારકા, રાજકોટ, અમરેલી, બોટાદ, અમદાવાદ, વડોદરા, ગાંધીનગર, પાટણ અને બનાસકાંઠા જિલ્લામાં યલો એલર્ટ આપવામાં આવ્યું છે. આગામી બે દિવસ દરમિયાન રાજ્યના અનેક વિસ્તારોમાં તાપમાન 41થી 45 ડિગ્રી સેલ્સિયસ સુધી પહોંચી શકે છે.


આરોગ્ય વિભાગની સલાહ
વધતી જતી ગરમી અને હીટવેવની આશંકાને પગલે આરોગ્ય વિભાગ દ્વારા નાગરિકોને બપોરના સમયે બિનજરૂરી બહાર ન નીકળવા અપીલ કરવામાં આવી છે. હીટ સ્ટ્રોકથી બચવા માટે પુષ્કળ પ્રમાણમાં પાણી, છાશ અને લીંબુ શરબત જેવા પ્રવાહી લેવા અને હળવા રંગના સુતરાઉ કપડાં પહેરવા સલાહ આપવામાં આવી છે.