સામાન્ય રીતે કેળા એક એવું ફળ છે જે મોટાભાગે બધા લોકોને પસંદ હોય છે. તેમજ સ્વાસ્થ્યની દ્રષ્ટિ એ પણ કેળા એક ઉતમ ફળ છે. ત્યારે કેળામાંથી શેઈક બનાવીને પણ પી શકાય છે. તો જાણી લો બનાના શેઈકની રેસીપી:

સામગ્રી :

4 પાકેલા કેળા

ઠંડુ દૂધ - ૩ થી ૪ કપ

ખાંડ/મધ - સ્વાદ મુજબ

બરફના ટુકડા

કાજુ અને બદામ – ગાર્નીશ કરવા માટે

એલચી પાવડર - ૧/૨ ચમચી

વેનીલા આઈસ્ક્રીમ

રીત:

આ બનાવવા માટે પહેલા મિક્સર જારમાં કેળા, દૂધ, ખાંડ અને બરફના ટુકડા નાખો.

શેઈકને હેલ્ધી બનાવવા માટે ખાંડની જગ્યાએ મધનો પણ ઉપયોગ કરી શકો છો.

હવે એક સ્મૂધ શેઈક બને ત્યાં સુધી બ્લેન્ડ કરો.

જો ઈચ્છો તો તેમાં કન્ડેન્સ્ડ મિલ્ક પણ ઉમેરી શકો છો.

હવે તેને એક ગ્લાસમાં રેડો, ઉપર બારીક સમારેલા ડ્રાય ફ્રુટ અને થોડો એલચી પાવડર ઉમેરો.

પછી તેના ઉપર આઈસ્ક્રીમ મૂકો.

બનાના શેઈકને ઠંડુ કરીને પીરસો.