એસીમાં ધડાકો થયો : ફાયરની ટીમ દોડી જઇ આગને ઠારી

જામ્યુકોના એસ્ટેટ વિભાગના દબાણ નિરીક્ષણના પવનચકકી નજીક આવેલા રહેણાંક મકાનમાં ગઇકાલે સાંજે અકસ્માતે આગ લાગી હતી, એસીમાં ધડાકો થતા સામાન સળગ્યો હતો, તાકીદે ફાયર બ્રિગેડની ટીમ દોડી જઇ કાર્યવાહી હાથ ધરી હતી, આ વેળાએ આજુબાજુના લોકો એકત્ર થઇ ગયા હતા.

જામનગરના પવનચકકી નજીક આર્મી ગેઇટ પાસે આવેલા જામ્યુકોના એસ્ટેટ વિભાગના દબાણ નિરીક્ષણ સુનિલભાઇ ભાનુશાળીના રહેણાંક મકાનમાં ગઇકાલે સાંજે એસીમાં શોટ સરકીટના કારણે ધડાકા બાદ આગ લાગી હતી અને ધુમાડા નીકળ્યા હતા, આગના બનાવથી બાજુના મમાં રહેલા ઘરના સભ્યો તુરંત બહાર નીકળી ગયા હતા, આજુબાજુના લોકો પણ એકત્ર થઇ ગયા હતા, બનાવ અંગે ફાયર બ્રિગેડને જાણ કરાતા તાકીદે ફાયર ઓફસર સહિતની ટુકડી ઘટના સ્થળે દોડી ગઇ હતી અને કામગીરી આદરી હતી, આગના કારણે એસી, ટીવી, કબાટ સહિતના સરસામાનને નુકશાન પહોચ્યુ હતું.