દેવભૂમિ દ્વારકા જિલ્લામાં છેલ્લા ઘણા દિવસોથી મુશળધાર વરસાદ વરસ્યો નથી. ત્યારે સમય અંતરે જુદા-જુદા વિસ્તારોમાં હળવા તેમજ ઝાપટા વરસવાના જારી રહે છે. આ વચ્ચે ગઈકાલે રાત્રે તેમજ આજે સવારે જિલ્લાના તમામ ચાર તાલુકાઓમાં હળવો વરસાદ નોંધાયો છે. સરકારી જારી કરવામાં આવેલા આંકડામાં ખંભાળિયા તાલુકામાં 6 મિલીમીટર, દ્વારકા તાલુકામાં 6 મિલીમીટર, ભાણવડ તાલુકામાં 7 અને કલ્યાણપુર તાલુકામાં 4 મિલીમીટર વરસાદ નોંધાયો છે. આ સાથે મોસમનો કુલ વરસાદ દ્વારકા તાલુકામાં સાડા 56 ઈંચ, કલ્યાણપુર તાલુકામાં 52 ઈંચ, ખંભાળિયા તાલુકામાં 47 ઈંચ અને ભાણવડ તાલુકામાં 30 ઈંચ થવા પામ્યો છે.