૧૫ ઢોરને આબાદ પકડી લેતી જામ્યુકોની ઢોર પકડ શાખા

જામનગર શહેરમાં રસ્તે રઝળતા પશુઓનો ત્રાસ વધી ગયો હોવાથી જામનગર મહાનગરપાલિકા દ્વારા આજથી શહેરમાં ફરીથી ઢોર પકડવા માટેની ઝુંબેશ નો પ્રારંભ કરાયો છે, અને ૧૫ જેટલા રસ્તે રઝળતા ઢોરને પકડી લઈ ઢોરના ડબ્બામાં મોકલી આપવામાં આવ્યા છે.

જામનગર મહાનગર પાલિકાની સોલિડ વેસ્ટ શાખા દ્વારા શહેરમાં જુદી જુદી બે ટીમો બનાવીને રસ્તે રઝળતા ઢોરને પકડવાની કામગીરી શરૂ કરાઇ છે, જેના ભાગરૂપે પંચેશ્વર ટાવર રોડ, હવાઈ ચોક, સહિતના જુદા જુદા વિસ્તારોમાં આજે ઢોર પકડવાની કામગીરી શરૂ કરાઈ હતી. જે ઝુંબેશ અવિરત ચાલુ રાખવામાં આવશે.

હાલ જામનગર મહાનગરપાલિકા સંચાલિત બે ઢોરના ડબામાં કુલ ૪૧૫ ગાયો અને ૧૧૩૨ નંદિની ને રાખવામાં આવ્યા છે, અને તેનો નિભાવ કરવામાં આવી રહ્યો છે.