કબ્જે કરેલ મુદામાલમાં કોપર કેબલ વાયર- ૨૨૦ મીટર કિ.૧,૩૬,૮૦૦, ઇકો ગાડી-૧ કિ.રૂ ૧,૫૦,૦૦૦, એફઝેડમો.સા/એકટીવા/સ્પલેન્ડર મો.સા-૦૩ કિ.રૂ ૧,૧૫,૦૦૦, મોબાઇલ ૪ કિ.રૂ ૨૦૦૦૦, ગ્રાઇન્ડર મશીન-૧, ધાતક હથિયાર, કોયતો,છરી, ધારીયુ,ધોકો,પાઇપ મળી ટોટલ રીકવર મુદામાલ ૪,૨૨,૯૮૦નો સમાવેશ થાય છે. તપાસ દરમ્યાન શોધી કાઢેલ ગુનાઓમાં કાલાવડ ગ્રામ્યના ૨, સિકકા અને વધુ એક કાલાવડ ગ્રામ્યનો ગુનો ડીટેકટ કરેલ છેે.



​​​​​​​
આરોપીઓની ગુન્હો કરવાની એમ.ઓ

મુખ્ય આરોપી નવાઝ દેથા સંધી અગાઉ જામનગર,દેવભૂમી દ્રારકા જીલ્લામા પવનચકકીના કેબલ વાયર ચોરીના ગુનામા પકડાયેલ હોય,જેથી પવનચકકીના અર્થિગ કેબલ વાયર કઇ રીતે કાપી શકાય,તેનાથી સંપૂર્ણ વાકેફ હોય,આરોપી નવાઝ દેથા  સંધી અગાઉ રાજકોટ પરાપીપળીયા ગામે રહેતો ત્યારે તેની રાજકોટ ધંટેશ્વર નજીક ચા ની હોટલ પાસે ઉઠક બેઠક હોય,આ કામના અન્ય આરોપીઓ ચા ની હોટલે આવતા એકાબીજા અવાર નવાર મળતા હોય તે કારણે ઓળખાણ થયેલ હતી,ત્યારે નવાઝ દેથા સંધીએ આરોપીઓને કહેલ કે,કાલાવડ તાલુકામા આવેલ પવનચકકીના અર્થિગના કેબલ વાયર ચોરીમા વધુ પૈસા મળે છે.આ ચોરીમા સાથે રહેશો તો ભાગ મળશે તેમ કહેતા તમામ આરોપીઓ ચોરી કરવા જવામા સહમત થયેલ હતા,આ પાચેય ઇસમો તેમના હસ્તકની ઇકો ગાડી,એફઝેડ,એકટીવા,તથા સ્પલેન્ડર મો.સા લઇ મોડી રાત્રીના કાલાવડ તાલુકામા આવેલ પવનચકકીએ જઇ ત્યા નવાઝ દેથા સંધી પવનચકકી ના થાંભલા  ઉપર દોરડા વાટે ચડી,આ આર્થિંગના કોપરના કેબલ વાયર ગ્રાઇન્ડર મશીન થી કાપી, નીચે ફેકતા અન્ય આરોપીઓ આ વાયર ભેગો કરી,તેઓના હસ્તકના વાહનમા ભરી અવાવરૂ જગ્યાએ લઇ જઇ  આ કેબલમાથી કોપર વાયર અલગ કરી ત્યા છુપાવી એકઠો કરતા હતા.



ટોળકી વિરૂઘ્ધ સંખ્યાબંધ ગુનાઓ અલગ અલગ જીલ્લામાં નોંધાયેલા

પકડાયેલા આરોપી નવાઝ જુમા સામે લાલપુરમાં ૧૨, સીટી-એ, ખંભાળીયામાં ૧૯, મેઘપર, દ્વારકા, જામજોધપુર, મળી કુલ ૩૯ ગુનામાં સંડોવાયેલ છે. તથા અલ્તાફ બેલીમ વિરુઘ્ધ ગાંધીગ્રામમાં ૭, વસીમ વિરુઘ્ધ ગાંધીગ્રામમાં ૩, મિત વિરુઘ્ધ ગ્રાંધીગ્રામમાં ૨, અજય વિરુઘ્ધ ગાંધીગ્રામાં ૧ ગુનો નોંધાયો છે. આમ ટોળકીના સાગરીતોએ અગાઉ રાજકોટ તથા જામનગર, દેવભૂમી દ્રારકા જીલ્લામા ખૂન, ખૂનની કોશીષ, લુંટ,ધરફોડ ચોરી, વાહન ચોરી, કેબલ ચોરી, મારા મારી, દારૂ, જુગારના ગુનાઓ નોંધાયેલ છે.​​​​​​​