ભવન્સ શ્રી એચ જે દોશી ઇન્ફોર્મેશન ટેકનોલોજી ઇન્સ્ટિટ્યૂટને સૌરાષ્ટ્ર યુનિવર્સિટી આંતર કોલેજ સાયકલિંગ સ્પર્ધાનું આયોજન યુનિવર્સિટી દ્વારા સોંપવામાં આવેલ હતું .આ સ્પર્ધામાં ભાઈઓની  6 કોલેજની  ટીમોના 18 ખેલાડીઓ તેમજ બહેનોની 6 ટીમોની 14 ખેલાડીઓએ સ્પર્ધામાં ભાગ લીધેલ હતો. આ સ્પર્ધા તારીખ 20/3 /2025 ગુરુવારના રોજ સવારે 6:30 થી 9 દરમિયાન વાલસુરા રોડ ઉપર યોજવામાં આવેલ હતી.

આ સ્પર્ધામાં ભાઈઓ કેટેગરીમાં કામાણી સાયન્સ કોલેજ અમરેલી ચેમ્પિયન થયેલ હતી અને એચ.જે.દોશી આઇટી કોલેજ જામનગર રનર્સ અપ થયેલ હતી.તેમજ બહેનોમાં એ.કે.દોશી મહિલા કોલેજ જામનગર ચેમ્પિયન અને કામાણી આર્ટસ એન્ડ સાયન્સ કોલેજ અમરેલી રનર્સ અપ થયેલ હતી. આ સ્પર્ધામાં સિલેક્ટ થયેલ ખેલાડીઓ આગામી દિવસોમાં યુનિવર્સિટીની નેશનલ લેવલની ટુર્નામેન્ટમાં ભાગ લેવા માટે જશે.

વિજેતા ટીમ અને ખેલાડીઓને ટ્રોફી અને ગિફ્ટથી સન્માનિત કરવામાં આવેલ હતા. ટુર્નામેન્ટના ઇનામ  વિતરણ કાર્યક્રમ સૌરાષ્ટ્ર યુનિવર્સિટીના  ઈનચાર્જ શારીરિક શિક્ષણ નિયામક ડો.હરીશભાઈ રાબા,  યુનિવર્સિટીના બોર્ડ ઓફ સ્પોર્ટ્સના મેમ્બર ડો.હાસમ ભાલીયા, કોલેજના પ્રિન્સિપાલ પ્રોફેસર હસીત ચંદારાણા, એ.કે દોશી મહિલા કોલેજના પ્રિન્સિપાલ ડો.ચેતનાબેન ભેસદડિયા વગેરે ઉપસ્થિત રહ્યા હતા.

આ ટુર્નામેન્ટનું સંચાલન કોલેજના શારીરિક શિક્ષણ અધ્યાપક ડો.તોસીફખાન પઠાણ અને સમગ્ર સ્ટાફ મેમ્બરની જહેમત દ્વારા કરવામાં આવેલ હતું.