જામનગર સહિત રાજ્યભરમાં આજથી દિવાળી વેકેશન પૂર્ણ થયું છે અને ફરી શિક્ષણ કાર્યના શ્રી ગણેશ થયા છે. પ્રાથમિક, માધ્યમિક અને ઉચ્ચત્તર માધ્યમિક શાળા અને કોલેજોમાં દિવાળીના વેકેશન બાદ શિક્ષણ શરૂ થતા શાળાના ઓરડાઓમાં ફરી બાળકોનો કલરવ જોવા મળી રહ્યો છે.

શાળાઓમાં દિવાળીનું વેકેશન પૂર્ણ થઈ ગયું છે એટલે આજથી શાળાઓ ફરી શરૂ થઈ ગઈ છે. જામનગરમાં દિવાળીના વેકેશનની લાંબી રજાઓ બાદ શાળાઓ શરૂ થતા બાળકોમાં પણ અનેરો ઉત્સાહ જોવા મળ્યો છે.

​​​​​​​

નાના ભૂલકાથી લઈને વિદ્યાર્થીઓ સ્કૂલ ડ્રેસમાં સજજ થઈ શાળાએ પહોચ્યાં હતા. આથી શિક્ષણ ગણ દ્વારા અભ્યાસ ફરી શરૂ થયા હતા. આથી બાળકોના કલરવ થી શાળા ગુંજી હતી.

શાળા શરૂ થતા જ આ શિક્ષણ સાથેના વ્યવસાય સાથે પણ સંકળાયેલા લોકોમાં ચહલપહલ વધી હતી. સ્કૂલ વાન, રીક્ષા, બસના ચાલકો અને સ્ટેશનરી સંચાલકો પણ વહેલા સ્થળે પહોંચ્યા હતા.