ખંભાળિયાથી આશરે 14 કિલોમીટર દૂર હંસ્થળ ગામના પાટીયા પાસેથી સાંજના સમયે જી.જે. 10 ઈ.ડી. 8887 નંબરના સ્પ્લેન્ડર મોટરસાયકલ લઈને મોટી ખાવડીથી ખંભાળિયા તાલુકાના ભાતેલ ગામે જઈ રહેલા વિજયસિંહ હેમતસિંહ વાઢેર નામના 25 વર્ષના યુવાન તથા તેમની સાથે જઈ રહેલા સાહેદ સુરૂભા જાડેજાના મોટરસાયકલની આગળ જઈ રહેલા ટ્રેક્ટર સાથે બાઈક ચાલક વિજયસિંહ વાઢેરે અકસ્માત સર્જતા ગંભીર રીતે ઈજાગ્રસ્ત હાલતમાં તેમનું મૃત્યુ નીપજ્યું હતું.

આ અંગે મૃતકના મોટાભાઈ ભગીરથસિંહ હેમતસિંહ વાઢેર (ઉ.વ. 27, રહે. મોટી ખાવડી)ની ફરિયાદ પરથી ખંભાળિયા પોલીસે મૃતક બાઈક ચાલક વિજયસિંહ હેમતસિંહ વાઢેર સામે જુદી જુદી કલમ હેઠળ ગુનો નોંધી, આ અંગે પી.એસ.આઈ. એમ.આર. બારડ દ્વારા આગળની કાર્યવાહી કરવામાં આવી હતી.

ઈન્સ્ટાગ્રામ પોસ્ટ બાબતે મોરઝરના યુવાનને મારી નાખવાની ધમકી

ભાણવડ તાબેના મોરઝર ગામે રહેતા વેજાભાઈ લાખાભાઈ સાગઠીયા નામના 45 વર્ષના યુવાન પોતાના ઘરે જઈ રહ્યા હતા ત્યારે માર્ગમાં ભરત બાવનજીભાઈ બાટા નામના શખ્સએ તેમને અટકાવી, અને બેફામ માર માર્યો હતો. આટલું જ નહીં, આરોપીએ ફરિયાદી વેજાભાઈ તથા સાહેદ અમિતભાઈને બિભત્સ ગાળો કાઢી, જાનથી મારી નાખવાની ધમકી આપ્યાની ફરિયાદ ભાણવડ પોલીસ મથકમાં નોંધાવવામાં આવી છે. આરોપીએ ઈન્સ્ટાગ્રામ પોસ્ટ બાબતે માર મારી, ધમકી આપ્યાનું ઉપરોક્ત પોલીસ ફરિયાદમાં જાહેર થયું છે.