જામનગર નજીક દરેડ વિસ્તારમાં એક પાન ની દુકાનમાંથી નશાકારક ચોકલેટનું વેચાણ કરવાનું કારસ્તાન એસ.ઓ.જી. શાખા ની ટુકડીએ પકડી પાડ્યું

March 03, 2026 01:48 PM

જામનગર નજીક દરેડ વિસ્તારમાં એક પાનની દુકાનમાંથી નશાકારક ચોકલેટનું વેચાણ કરવાનું કારસ્તાન એસ.ઓ.જી. શાખા ની ટુકડીએ પકડી પાડ્યું

મૂળ બિહાર રાજ્યના વતની એવા પર પ્રાંતીય શખ્સને પોતાની દુકાનમાંથી ૨૮૦ નંગ નશાકારક ચોકલેટના જથ્થા સાથે પકડી પાડ્યો

જામનગર તાલુકાના દરેડ મસિતિયા રોડ પર એક પાનની દુકાનમાં નશાકારક ચોકલેટનું વેચાણ થઈ રહ્યું છે, અને આસપાસના વિસ્તારની મજૂરોની વસાહતમાં રહેતા શ્રમિકોને નશાનું સેવન કરવા માટેની વિશેષ પ્રકારની ચોકલેટ વેચાઈ રહી છે. તેવી ચોક્કસ બાતમીના આધારે એસ ઓ જી ના પી.આઈ. બીએન ચૌધરી અને તેઓની ટીમેં ગઈકાલે મોડી સાંજે દરોડો પાડયો હતો,

જે દરોડા દરમિયાન મસીતીયા રોડ પર એક ઓરડીમાં દુકાન ચલાવતા મોસીન પાન એન્ડ કોન્ટ્રાક્ટ નામની દુકાનના સંચાલક ની દુકાને જઈને ચકાસણી કરતાં તેની દુકાનમાંથી સેવન મીનાર આયુર્વેદ ઔષધી લખેલી નશાકારક ૨૮૦ નંગ ચોકલેટ નો જથ્થો મળી આવ્યો હતો, તેથી પોલીસ દ્વારા નશાકારક ગણાંતી ચોકલેટનો જથ્થો કબજે કરી લેવાયો છે, અને પૃથ્થકરણ માટે લેબોરેટરીમાં મોકલી દેવાયો છે.

ઉપરાંત આ દુકાનના સંચાલક મૂળ બિહાર રાજ્યના વતની અને હાલ દરેડમાં એક ઓરડીમાં ભાડેથી રહેતા મોહમ્મદ મોહસીન મોહમ્મદ મુસ્લિમ શબ્દફરોઝ (ઉંમર ૪૦) ની પૂછપરછ હાથ ધરી છે, અને તેની સામે પંચકોષી બી. ડિવિઝન પોલીસ મથકમાં જાણવાજોગ નોંધ કરવામાં આવી છે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 9510972318

View News On Application

Recent News

Gujarat's No. 1 evening newspaper