દ્વારકા નજીક ખાનગી કંપનીમાંથી ત્રણ લાખથી વધુના વાયરની ચોરી
યાર્ડમાંથી અજાણ્યા શખ્સો ૬૦૦ કીલો કોપર કેબલ લઇ ગયા
દ્વારકા તાલુકાના કુરંગા ગામે આવેલી આરએસપીએલ કંપનીમાં કોઈ તસ્કરોએ જુલાઈ માસના સમયગાળા દરમિયાન અપ પ્રવેશ કરી, બાઉન્ડ્રીના મટીરીયલ યાર્ડમાં રાખવામાં આવેલા રૂપિયા ત્રણ લાખ છ હજારની કિંમતના ૬૦૦ કિલોગ્રામ એલ્યુમિનિયમ કોપર વાયરની ચોરી કરીને લઈ ગયા હોવાનું ખુલવા પામ્યું છે.
આ ચોરી સંદર્ભે કંપનીના આસિસ્ટન્ટ જનરલ મેનેજર વિજયસિંઘ સીયારામ રાજપૂત (ઉ.વ. ૪૫, મૂળ રહે. ઉત્તર પ્રદેશ)ની ફરિયાદ પરથી દ્વારકા પોલીસે અજાણ્યા તસ્કરો સામે ગુનો નોંધી, આગળની તપાસ ડીવાયએસપી સાગર રાઠોડના માર્ગદર્શન હેઠળ પી.એસ.આઈ. પાયલબેન ડાંગર દ્વારા હાથ ધરવામાં આવી છે.
