બિહારના જમુઈમાં માલગાડી પાટા પરથી ઉતરી જવાથી ટ્રાફિક ખોરવાઈ ગયો છે. પૂર્વ મધ્ય રેલ્વેના સીપીઆરઓ દ્વારા આપવામાં આવેલી માહિતી અનુસાર, રાત્રે 11:25 વાગ્યે આસનસોલ ડિવિઝન (પૂર્વીય રેલ્વે) ના લહાબોન અને સિમુલતલા સ્ટેશનો વચ્ચે માલગાડીના 12 ડબ્બા પાટા પરથી ઉતરી ગયા હતા. જેમાં ત્રણ નદીમાં ખાબક્યા હતા. આથી રેલવે વિભાગમાં દોડધામ મચી ગઈ હતી.

અકસ્માતને કારણે રનિંગ સેક્શનના અપ અને ડાઉન બંને લાઇન પર ટ્રેન વ્યવહાર ખોરવાઈ ગયો છે. માહિતી મળતાં, આસનસોલ, માધુપુર અને ઝાઝાથી ART (અકસ્માત રાહત ટ્રેન) ટીમો અકસ્માત સ્થળે રવાના કરવામાં આવી હતી, અને યુદ્ધના ધોરણે પુનઃસ્થાપન કાર્ય ચાલી રહ્યું છે.

અહેવાલો અનુસાર, જસીડીહથી ઝાઝા જતી સિમેન્ટ ભરેલી માલગાડીના ડબ્બા જમુઈના તેલવા બજાર હોલ્ટ પાસે પાટા પરથી ઉતરી ગયા હતા. આના કારણે હાવડા-દિલ્હી રૂટની મુખ્ય લાઇન પર ટ્રેન ટ્રાફિક ખોરવાઈ ગયો હતો. રાત્રે ભારે ધુમ્મસને કારણે રૂટ સાફ કરવાના પ્રયાસોમાં અવરોધ ઉભો થયો હતો. હાલમાં, ઘટનાસ્થળે છૂટાછવાયા માલગાડીના ડબ્બા દૂર કરવાના પ્રયાસો ચાલી રહ્યા છે.