ઉપલેટાના નામચીન હિંગોરા બંધુની કારમાંથી સિલ્વર રેસીડેન્ટ પાસેથી ૧૩૨ બોટલ ઈંગ્લીશ દારુ ઝડપી લઈ ૧,૨૪,૮૦૦ રૂપિયાનો કાર સહિત મુદ્દામાલ ઝડપી લઈ ફરાર થઈ ગયેલા હિંગોરા બંધુઓની શોધખોળ હાથ ધરી છે.સ્થાનિક પીઆઈ એચ.એમ. ધાધલ સહિત સ્ટાફ એસ.પી.ના આદેશથી દારુ–જુગારની પ્રવૃત્તિ શોધખોળમાં હતા ત્યારે શહેરના ધોરાજી રોડ ઉપર આવેલ સિલ્વર રેસીડેન્સીમાંથી શહેરના નામચીન શખ્સો સોયબ ઉર્ફે સોયલો સલીમ હિંગોરા (રહે. ઉપલેટા) તથા શાહનવાઝ ઉર્ફે સામુડો સલીમ હિંગોરા (રહે. ઉપલેટા)ની કાર નં જીજે ૦૯ બીએફ ૫૫૫૬માંથી ૧૩૨ બોટલ ઈંગ્લીશ દારુ કિં. રુપિયા ૧,૨૪,૮૦૦ તથા કાર કિંમત ૫ લાખ મળી કુલ ૬,૨૪,૮૦૦નો મુદ્દામાલ કબ્જે કરી બન્ને શખ્સો સામે ગુન્હો નોંધી ફરાર શખ્સોની શોધખોળ હાથ ધરી છે. બન્ને શખ્સો અગાઉ દારુ, જુગાર, મારામારી સહિતના ગુનામાં પોલીસ ચોપડે ચડી ચૂકયા છે.
 સોયબ ઉર્ફે સોયલો હિંગોરા સામે જુદા જુદા ૧૦ ગુના નોંધાઈ ચૂકયા છે. યારે શાહનવાઝ ઉર્ફે સામુડો હિંગોરા સામે પણ જુદા જુદા ૨૧ જેટલા ગુના નોંધાયા છે..