ભારત અને ચીન વચ્ચે સરહદ વિવાદ પર તેમના ખાસ પ્રતિનિધિઓ વચ્ચે ૨૫મા રાઉન્ડની વાતચીત થઈ. રાષ્ટ્ર્રીય સુરક્ષા સલાહકાર અજિત ડોભાલ અને ચીનના વિદેશ મંત્રી વાંગ યીએ સરહદ પર શાંતિ અને સુલેહ–શાંતિ જાળવવા અને તાજેતરમાં દ્રિપક્ષીય સંબંધોમાં થયેલા સુધારાને વધુ વિકસાવવાની જરિયાત પર ભાર મૂકયો. આ ઉચ્ચ–સ્તરીય વાતચીત એક નિર્ણાયક તબક્કે થઈ રહી છે કારણ કે બંને દેશો ૨૦૨૦ માં ગાલવાન ખીણમાં થયેલી અથડામણ અને પૂર્વી લદ્દાખમાં લાંબા સમયથી ચાલતા લશ્કરી ગતિરોધને કારણે થયેલા તણાવ પછી સંબંધોને સ્થિર કરવા માંગે છે. ૧૨ અને ૧૩ સપ્ટેમ્બરના રોજ નવી દિલ્હીમાં યોજાનારી બ્રિકસ સમિટ પહેલા આ વાતચીત વધુ મહત્વપૂર્ણ છે.
પોતાની શઆતની ટિપ્પણીમાં, અજિત ડોભાલે કહ્યું કે છેલ્લા એક વર્ષમાં ભારત–ચીન સંબંધોમાં સુધારો સરહદી વિસ્તારોમાં શાંતિ અને સ્થિરતા જાળવવાના બંને પક્ષોના પ્રયાસો સાથે સીધો જોડાયેલો છે. ડોભાલે કહ્યું, મને ખૂબ આનદં છે કે અમે ૨૫મા રાઉન્ડની વાતચીત માટે અહીં છીએ, જે આગામી બ્રિકસ સમિટને ધ્યાનમાં રાખીને ખૂબ જ મહત્વપૂર્ણ છે. તેમણે કહ્યું કે બંને દેશો વડા પ્રધાન નરેન્દ્ર મોદી અને ચીનના રાષ્ટ્ર્રપતિ શી જિનપિંગ દ્રારા તાજેતરની બેઠકો દરમિયાન આપવામાં આવેલા સ્પષ્ટ્ર અને સકારાત્મક માર્ગદર્શન અનુસાર કામ કરી રહ્યા છે.
ડોવલે કહ્યું, અમે અમારા નેતાઓ, વડા પ્રધાન નરેન્દ્ર મોદી અને રાષ્ટ્ર્રપતિ શી જિનપિંગના માર્ગદર્શન અનુસાર મુલાકાત કરી રહ્યા છીએ, જેમણે કાઝાન અને તિયાનજિનમાં અમારા સંબંધોને સ્પષ્ટ્ર અને સકારાત્મક દિશા આપી છે. આ સંદર્ભ ૨૦૨૪ માં કાઝાનમાં બ્રિકસ સમિટ અને ગયા વર્ષે તિયાનજિનમાં શાંઘાઈ સહયોગ સંગઠન સમિટ દરમિયાન પીએમ મોદી અને શી વચ્ચેની બેઠકોનો હતો.
એનએસએ ડોવલે કહ્યું કે પૂર્વી લદ્દાખમાં લાંબા સમય સુધી તણાવ પછી, છેલ્લા એક વર્ષમાં બંને દેશો વચ્ચેના સંબંધો ધીમે ધીમે સામાન્ય થઈ રહ્યા છે. તેમણે કહ્યું, આપણા સંબંધોનું સામાન્યકરણ સરહદી વિસ્તારોમાં શાંતિ અને સ્થિરતા જાળવવાના બંને પક્ષોના પ્રયાસોનું સીધું પરિણામ છે. તેમણે વધુમાં કહ્યું કે બંને પક્ષોએ સરહદ પર શાંતિ અને સ્થિરતા જાળવવાના પ્રયાસોને વધુ મજબૂત બનાવવાના માર્ગેા પર વિગતવાર ચર્ચા કરી છે. તેમણે કહ્યું, આજે અમે સરહદી વિસ્તારોમાં શાંતિ અને સ્થિરતા જાળવવાના અમારા પ્રયાસોને અસરકારક રીતે કેવી રીતે મજબૂત અને એકીકૃત કરવા તે અંગે વિગતવાર ચર્ચા કરી.