સાઉદી અરેબિયાની રાજધાની રિયાધમાં પરિસ્થિતિ વણસી રહી છે. કિંગ ખાલિદ ઇન્ટરનેશનલ એરપોર્ટ પર થયેલા હુમલા બાદ, રિયાધ જતી ૩૦૦થી વધુ ફ્લાઇટ્સ રદ કરવામાં આવી છે. સુરક્ષાના કારણોસર, એર ઈન્ડિયા, ઈન્ડિગો અને એર ઈન્ડિયા એક્સપ્રેસે ૧૦ ઓક્ટોબર સુધી રિયાધ જતી તેમની ફ્લાઇટ્સ રદ કરી દીધી છે.ફ્લાઇટ ટ્રેકિંગ પોર્ટલ્સના જણાવ્યા અનુસાર, વૈશ્વિક સ્તરે રિયાધ સાથે જોડાયેલી લગભગ ૩૩૩ ફ્લાઇટ્સ રદ કરવામાં આવી છે. લુફ્થાન્સા ગ્રુપની એરલાઇન્સે પણ જાહેરાત કરી છે કે તેઓ રિયાધ જતી ફ્લાઇટ્સ સ્થગિત કરશે.સાઉદી અરેબિયામાં થયેલા આ હુમલાઓ પાછળ ઈરાન-સમર્થિત હુથી બળવાખોરોનો હાથ છે. હુથીઓ દેશમાં એરપોર્ટ્સ, લશ્કરી મથકો અને તેલ સુવિધાઓને વારંવાર નિશાન બનાવી રહ્યા છે. હુથી બળવાખોરોએ વૈશ્વિક એરલાઇન્સને હુમલાના પરિણામો વિશે ચેતવણી આપતા જણાવ્યું હતું કે આ સ્થળો તેમની લશ્કરી કામગીરી માટે મહત્વપૂર્ણ છે.એર ઈન્ડિયા એક્સપ્રેસના પ્રવક્તાએ કહ્યું, આ વિસ્તારમાં બદલાતી પરિસ્થિતિને ધ્યાનમાં રાખીને, અમે ૧૦ ઓક્ટોબર સુધી રિયાધ આવતી-જતી ફ્લાઇટ્સ રદ કરી છે. અસરગ્રસ્ત મુસાફરોને ફ્લાઇટના સમયમાં મફત ફેરફાર અથવા રદ કરવા પર સંપૂર્ણ રિફંડની ઓફર કરવામાં આવી રહી છે. અમે પરિસ્થિતિ પર નજીકથી નજર રાખી રહ્યા છીએ.જર્મન એરલાઇન ગ્રુપ લુફ્થાન્સાના પ્રવક્તાએ સમાચાર એજન્સી રોઇટર્સને જણાવ્યું હતું કે, મધ્ય પૂર્વમાં વર્તમાન પરિસ્થિતિને કારણે અમે ૧૬ ઓક્ટોબર સુધી રિયાધ જતી ફ્લાઇટ્સ સ્થગિત કરી રહ્યા છીએ. રિયાધ એરપોર્ટ પર હુમલો  રિયાધના કિંગ ખાલિદ ઇન્ટરનેશનલ એરપોર્ટ પર થયેલા હુમલા અંગે, એક વ્યક્તિએ નીચે મુજબનો સંદેશ પોસ્ટ કર્યો અમે મુસાફરોને જાણ કરવા માંગીએ છીએ કે તેઓ એરપોર્ટ જતા પહેલા તેમની એરલાઇનનો સીધો સંપર્ક કરે અને તેમની ફ્લાઇટનું સ્ટેટસ તપાસે.