શહેરના અલગ-અલગ પોલીસ મથકમાં નોંધાયેલા મોબાઈલ ચોરીના ગુનાઓમાં ગયેલ ૪ મોબાઈલ  કુલ કિ.રુ.૭૩,૯૦૦ ના મુદ્દામાલ સાથે મહિલા સહિત ચાર શખ્સોને એલસીબીએ ઝડપી લીધા હતા. 
ભાવનગર, એલ.સી.બી. પોલીસ સ્ટાફનાં માણસો ભાવનગર શહેર વિસ્તારમાં મિલ્કત સંબંધી ગુન્હાઓનાં શકદારોની તપાસમાં પેટ્રોલીંગમાં હતાં. તે દરમ્યાન મળેલ બાતમી આધારે, ભાવનગર શહેરના અલગ-અલગ  પોલીસ મથકમાં નોંધાયેલા મોબાઈલ ચોરીના ગુનાઓમાં ચોરીમાં ગયેલ ચાર મોબાઈલ ફોન સાથે  ઉજાલાબેન દીપકભાઈ રાઠોડ (ઉ. વ. ૨૮, ધંધો મજૂરીકામ, રહે. કત્લખાના પાસે, આડોડીયાવાસ, ભાવનગર),
આશિફ હારુનભાઈ મુસાણી (ઉ.વ.૩૯ ધંધો.વેપાર રહે.કાળો ડેલો, ભાંગના કારખાનામાં, રાણીકા, ભાવનગર) બળદેવ પ્રેમજીભાઈ ટાકોલિયા (ઉ.વ.૫૦ રહે. અર્બન જૂના બે માળિયા બ્લોક નં.૮,રૂમ નં.૧૧૬૨, ભરતનગર ભાવનગર) અને  અજય ધીરૂભાઈ ચુડાસમા (ઉ.વ.૨૭ ધંધો.મજુરી રહે. સુર્યા ચોક, ખેડુતવાસ, ભાવનગર)ને ઝડપી લઈ જે તે પોલીસ મથકને હવાલે કર્યા હતા.  આ કામગીરીમાં  પોલીસ ઇન્સ. એ.આર.વાળાના માર્ગદર્શન હેઠળ સ્ટાફના વિઠ્ઠલભાઈ બારૈયા, ઘનશ્યામભાઈ ગોહીલ, સંજયભાઈ ચુડાસમા તેમજ  એઝાઝખાન પઠાણ સહિતના જોડાયા હતા.