જામનગર શહેરમાં છેલ્લા 24 કલાકમાં 6 ઈંચ વરસાદ, મોડી રાત્રે 2 કલાકમાં ખાબક્યા 4 ઈંચ

જામનગર શહેર અને જિલ્લામાં લાંબા વિરામ બાદ મેઘરાજાએ ફરી મહેર કરી છે. છેલ્લા 24 કલાક દરમિયાન શહેર-જિલ્લામાં સાર્વત્રિક વરસાદ નોંધાયો છે. ખાસ કરીને જામનગર શહેરમાં મોડી રાત્રે માત્ર બે કલાકમાં ધોધમાર 4 ઇંચ વરસાદ ખાબક્યો હતો.

જામનગર શહેરમાં મોડી રાત્રે 2થી 4 વાગ્યા દરમિયાન માત્ર બે કલાકમાં 4 ઇંચ વરસાદ નોંધાયો છે. જ્યારે છેલ્લા 24 કલાકમાં શહેરમાં કુલ 6 ઇંચ જેટલો વરસાદ વરસ્યો છે.

બીજી તરફ જોડિયા તાલુકામાં પણ વહેલી સવારે મેઘરાજાની ધમાકેદાર એન્ટ્રી થઈ હતી. સવારે 4થી 6 વાગ્યા દરમિયાન બે કલાકમાં 2 ઇંચ વરસાદ નોંધાયો છે.

જામનગર જિલ્લાના જામજોધપુર, કાલાવડ, ધ્રોલ અને લાલપુર તાલુકામાં પણ નોંધપાત્ર વરસાદ વરસ્યો છે. વરસાદના કારણે લાંબા સમયથી વરસાદની રાહ જોઈ રહેલા ખેડૂતોમાં હવે આશા જાગી છે.

વરસાદ ખેંચાતા મુરઝાઈ રહેલા ખરીફ પાકને આ વરસાદથી જીવતદાન મળે તેવી ખેડૂતોમાં આશા બંધાઈ છે. ખાસ કરીને મગફળી અને કપાસ સહિતના પાક માટે આ વરસાદ રાહતરૂપ સાબિત થઈ શકે છે.

​​​​​​​જામનગર શહેરમાં ધોધમાર વરસાદ બાદ અનેક વિસ્તારોમાં પાણી ભરાવાની સ્થિતિ પણ સર્જાઈ છે, ત્યારે વરસાદના કારણે ખેડૂતોમાં ખુશીનો માહોલ જોવા મળી રહ્યો છે.

ગ્રામ્ય વિસ્તારોમાં ૨૪ કલાકનો વરસાદ(ઇંચમાં)
​​​​​​​મોટીબાણુંગાર    ૪
વસઇ        ૨.૨૫
લાખાબાવળ    ૨
ફલ્લા        ૨
જામવંથલી    ૨.૨૫
મોટી ભલસાણ    ૧.૭૫
અલીયાબાડા    ૧.૫૦
દરેડ         ૨.૨૫
હડીયાણા        ૧.૨૫
બાલંભા        ૨
પીઠડ        ૧.૫૦
જાલીયાદેવાણી    ૦.૫
લતીપુર        ૧.૭૫
લૈયારા        ૧
નીકાવા         ૦.૫
ખરેડી        ૦.૫
મોટા વડાળા    ૦.૫
ભલસાણ બેરાજા    ૧.૨૫
નવાગામ        ૦.૭૫
મોટા પાંચદેવડા    ૧
સમાણા        ૧.૭૫
શેઠ વડાળા    ૧.૫૦
જામવાડી        ર
વાંસજાળીયા    ૧.૫૦
ધુનડા        ૨
ધ્રાફા        ૧.૭૫
પરડવા        ૨
પીપરટોડા        ૦.૨૫
પડાણા         ૦.૫
ભણગોર        ૧
મોટા ખડબા    ૦.૨૫
મોડપર        ૦.૨૫
હરીપર        ૧​​​​​​​