સાઉથ  સુપરસ્ટાર રજનીકાંતને લઈને એક નવું અપડેટ સામે આવ્યું છે. એવું કહેવામાં આવી રહ્યું છે કે તેઓ પોતે જ પોતાની ફિલ્મની વાર્તા લખી રહ્યા છે, જેથી દરેક લોકો તેમના જીવનને નજીકથી જોઈ શકે. સુપરસ્ટાર રજનીકાંત ઇન્ડિયન સિનેમાના સૌથી મોટા કલાકારોમાંથી એક છે, જેમનું ફેન ફોલોઇંગ ખૂબ જ વધારે છે. ફેન્સને તેમની ફિલ્મોની આતુરતાથી રાહ હોય છે, સાથે જ તેઓ રજનીકાંતના અંગત જીવન વિશે જાણવા માટે પણ હંમેશા ઉત્સુક રહે છે. આ દરમિયાન સમાચાર આવી રહ્યા છે કે રજનીકાંત પોતે પોતાના જીવનને કાગળ પર ઉતારી રહ્યા છે. તેઓ પોતાની બાયોગ્રાફી (આત્મકથા) લખી રહ્યા છે, જેમાં તેઓ પોતાના જીવનના દરેક સારા-ખરાબ સમયને ફેન્સ સાથે શેર કરશે. એટલું જ નહીં, આ વાર્તા પર ફિલ્મ પણ જોવા મળી શકે છે.મૂવીઝ સિંગાપોરના રિપોર્ટ્સ અનુસાર, રજનીકાંત લાંબા સમયથી પોતાની વાર્તા લખી રહ્યા છે કે કઈ રીતે તેઓ એક સામાન્ય માણસમાંથી સુપરસ્ટાર બન્યા. સાથે જ એવું પણ જણાવવામાં આવી રહ્યું છે કે તેઓ આ વાર્તાને મોટા પડદા પર રજૂ કરવાની યોજના બનાવી રહ્યા છે અને આ માટે ઘણા લોકો સાથે વાતચીત પણ કરી રહ્યા છે. જોકે, આ અંગે હજુ સુધી કોઈ સત્તાવાર પુષ્ટિ થઈ નથી, પરંતુ જો આવું થશે તો તે તેમના ફેન્સ માટે કોઈ ભેટથી ઓછું નહીં હોય.જણાવી દઈએ કે આગામી સમયમાં રજનીકાંત પોતાની સુપરહિટ ફિલ્મ 'જેલર'ના સિક્વલમાં જોવા મળશે, જેનું નિર્દેશન નેલ્સન દિલીપકુમાર કરી રહ્યા છે. સાથે જ રામ્યા કૃષ્ણન, મિર્ના, યોગી બાબુ, એસ. કે. સૂર્યા, સૂરજ વેંજારમૂડૂ અને વિદ્યા બાલન જેવા કલાકારો પણ તેનો ભાગ હશે. તો બીજી તરફ ઘણા રિપોર્ટ્સમાં દાવો કરવામાં આવી રહ્યો છે કે મોહનલાલ, હ્રિતિક રોશન, શિવ કુમાર અને વિજય સેતુપતિ આમાં કેમિયો રોલ કરશે, જે દર્શકો માટે ખાસ બની શકે છે.વર્ષો પછી સાથે આવશે કમલ હાસન અને રજનીકાંત  આ સિવાય તેઓ નિર્દેશક અશ્વથ મારિમુથુની ફિલ્મ 'ધર્મન'માં ડૉક્ટરના રોલમાં જોવા મળશે, જેનું પોસ્ટર રિલીઝ થઈ ચૂક્યું છે. કમલ હાસનની કંપની 'રાજ કમલ ફિલ્મ્સ ઇન્ટરનેશનલ'ના બેનર હેઠળ બની રહેલી આ ફિલ્મમાં સિમરન, રાશી ખન્ના અને યોગી બાબુ જેવા કલાકારો સામેલ છે. બીજી તરફ, રજનીકાંત અને કમલ હાસન પણ વર્ષો પછી એક ફિલ્મમાં સાથે જોવા મળશે,તેનું નિર્દેશન પણ નેલ્સન દિલીપકુમાર કરશે.