આજરોજ સોશિયલ મીડિયામાં એક વીડિયો વાઇરલ થયો છે. જે શહેરના મોટી ટાંચી ચોક પાસેનો હોવાનુ કહેવાય છે. અહીં યુવતી એક રીક્ષાચાલકને રોકી યુવતી તેની સાથે ભારે ગુસ્સે થઇ વાત કરે છે એટલું જ નહીં તે રીક્ષાના કાચ પર જોરથી હાથ મારી તેમાં નુકશાન કરતી હોવાનુ નજરે પડે છે. આ સમયે તેની સાથે તેની પિતાના વયની કોઇ વ્યકિત પણ તેની સાથે હોય જે તેને અહીંથી દૂર લઇ જાય છે. બનાવને લઇ અહીં મોટી સંખ્યામાં લોકો ટોળે વળી ગયાનું નજરે પડે છે. યુવતીને કયાં કારણોસર રીક્ષચાલક સાથે માથાકૂટ થઇ હશે તે જાણી શકાયું નથી. પરંતુ વાઇરલ થયેલા આ વીડિયોને લઇ ભારે ચર્ચા જાગી છે.