બનાવ અંગે જસદણના શિતલીયા રોડ પર રહેતાં ધર્મરાજસિંહ રાજેન્દ્રસિંહ જેઠવા (ઉ.વ.૩૧) એ નોંધાવેલ ફરીયાદમાં આરોપી તરીકે રઘુ વાઘા કળોતરા (રહે. ગુંદાળા, વિંછીયા) અને પાંચ અજાણ્યાં શખસોના નામ આપ્યા છે.

ફરીયાદીએ જણાવ્યું હતું કે, તેઓ કૈલાશ ઈન્ફ્રાસ્કચર પ્રા.લી. કંપનીમા ફરજ બજાવે છે. ગઈકાલે તે ગુંદાળા ગામે આવેલ સર્વે નંબર ૨૧૩ પૈકી ૨ ની જમીન કંપનીએ ભાડા પેટે લિધેલ હોય અને આ જમીનમા પાવર હાઉસ બનાવવાનુ કામ શરૂ છે. ત્યાં બપોર સમયે કંપનીના માણસો કામ કરતા હતાં અને ફરીયાદી પણ ત્યા હાજર હતાં. ત્યારે ગુંદાળા ગામના રઘુ કળોતરા એક કાળા કલરની સ્કોર્પિયો ગાડી નં.જીજે-36-એએલ-8008 લઈને ઘસી આવ્યો હતો અને તેમની સાથે બીજા અજાણ્યા પાંચ માણસો પણ સાથે હતાં.

આરોપી રઘુ કળોતરાએ કહ્યું હતું કે, તમે આ બધુ કામ બંધ કરો અને આ જમીન અમારી હોય જેથી બહાર નિકળો તેમ કહેવા લાગી ફરીયાદી અને મજુરોને જેમ ફાવે તેમ ગાળો આપવા લાગેલ અને આ રઘુ કળોતરાએ જતા-જતા કહેતા હતા કે, હવે કામ બંધ રાખ જો અને જો ચાલુ કર્યું તો તને જાનથી મારી નાખીશ તેમ કહીને આરોપીઓ સ્કોર્પિયો ગાડી લઈને જતા રહેલ હતાં. જેથી આ અંગે વિંછીયા પોલીસ મથકમાં ફરિયાદ નોંધવવામાં આવી છે.