ધોરાજી: શહેરના બાબલા ચોક ખાતે યોજાઈ રહેલા ગણેશ મહોત્સવ અંતર્ગત ગણપતિ બાપાની મહા આરતીનું આયોજન કરવામાં આવ્યું હતું. મહા આરતીમાં વકીલ મંડળના સદસ્યો સહિત મોટી સંખ્યામાં ભાઈઓ-બહેનોએ ઉપસ્થિત રહી આરતી અને દર્શનનો લાભ લીધો હતો.ગણપતિ બાપાની મહા આરતી દરમિયાન ઉપસ્થિત શ્રદ્ધાળુઓ દ્વારા ધાર્મિક ભાવના સાથે આરતી કરવામાં આવી હતી. કાર્યક્રમ બાદ ઉપસ્થિત સૌ માટે પ્રસાદનું વિતરણ કરવામાં આવ્યું હતું.આ પ્રસંગે બાબલા ચોક કા રાજા ગણેશ મહોત્સવ સમિતિ દ્વારા વકીલ મંડળના સદસ્યોનું ખેસ પહેરાવી સન્માન કરવામાં આવ્યું હતું. મહા આરતી દરમિયાન બાબલા ચોક ખાતે ભક્તિમય માહોલ જોવા મળ્યો હતો...