પોરબંદર થી માત્ર ૧૦ કિલોમીટરના અંતરે રાણાવાવ નેશનલ હાઇવે પર આવેલ વનાણા ગામની નદીમાં હાલ વિશાળ સંખ્યામાં કમળો ખીલી ઉઠ્યા છે. અહીંયા સમગ્ર નદી કમળ વાળી બની ગઈ છે તથા કમરની ગુલાબી ચાદર પથરાઈ હોય તેવા  કુદરતી સૌંદર્યનો અદભુત નજારો જોવા મળી રહ્યો છે. પોરબંદર ને પ્રવાસનધામ તરીકે વિકસાવવા અને નવા નવા પર્યટન સ્થળો નો વિકાસ કરવા માટે રાજ્ય સરકાર કટિબદ્ધ છે ત્યારે આ ગામના આગેવાનોએ એવી માંગ કરી છે કે આ નદી ની આજુબાજુના સ્થળનો  વિકાસ કરવામાં આવે અને તેનું બ્યુટીફિકેશન કરીને ફરવા લાયક સ્થળ બનાવવામાં આવે તો અહીંયા વિશાળ સંખ્યામાં પ્રવાસીઓ ખેંચાઈ આવશે. કારણ કે આ વિસ્તાર હાઈવેથી તદ્દન નજીક આવેલો છે અને સેકડોની સંખ્યામાં કમળો ખીલતા હોવાથી  ફોટોસેશન અને સેલ્ફી માટે તેમજ ફરવા માટે આ સ્થળને આકર્ષણ ‚પ બનાવી શકાય તેમ છે.