જમ્મુ-કાશ્મીરના કુલગામના ફ્રિસલ, ચિન્નીગામ અને મોદરમ વિસ્તારમાં આતંકવાદીઓ અને સુરક્ષાદળો વચ્ચે હજુ પણ અથડામણ ચાલુ છે. મોદરમમાં થયેલા એન્કાઉન્ટરમાં બીજો આતંકી પણ માર્યો ગયો હતો. હજુ ઓપરેશન ચાલુ છે.

જમ્મુ-કાશ્મીરના કુલગામના ચિન્નીગામ વિસ્તારમાં હજુ પણ એન્કાઉન્ટર ચાલુ છે. અત્યાર સુધીમાં છ આતંકવાદીઓને ઠાર કરવામાં આવ્યા છે. સીઝમાં હજુ પણ એક આતંકી ફસાયેલો હોવાની આશંકા છે. મોદરમમાં પણ સુરક્ષાદળો અને આતંકવાદીઓ વચ્ચે અથડામણ થઈ હતી. તે દરમિયાન એક સૈનિકના શહીદ થયાના સમાચાર સામે આવ્યા છે.

અધિકારીઓએ જણાવ્યું કે બંને એન્કાઉન્ટરમાં અત્યાર સુધીમાં છ આતંકવાદીઓ માર્યા ગયા છે. એક ચુનંદા પેરા કમાન્ડો સહિત સેનાના બે જવાનોએ આતંકવાદીઓ સામે લડતા પોતાના જીવનું બલિદાન આપ્યું હતું.

ડીજીપી સ્વૈને આપી માહિતી
ડીજીપી સ્વૈને પુષ્ટિ કરી છે કે જિલ્લામાં બે અલગ-અલગ સ્થળોએ એન્કાઉન્ટર ચાલી રહ્યું છે. તેમણે કહ્યું કે છ આતંકવાદીઓ માર્યા ગયા છે. ડીજીપી સ્વૈને જણાવ્યું હતું કે આ કામગીરી વેગ પકડી રહી છે અને સુરક્ષા વાતાવરણને મજબૂત કરવા માટે આવી સફળતાઓના મહત્વ પર ભાર મૂક્યો હતો.

સ્થાનિક નાગરિકોએ ચિન્નીગામ એન્કાઉન્ટરમાં માર્યા ગયેલા ચાર આતંકવાદીઓની ઓળખ કરી લીધી છે.
- અવડોરા, કુલગામના તૌહીદ અહમદ રાથર
- દસંદ, કુલગામના જાહિદ અહમદ ડાર
- રેડવાની, કુલગામના યાવર બશીર ડાર
- ખુરી બટપોરા, કુલગામના શકીલ અહમદ વાની