પોલીસ કમિશનર બ્રજેશકુમાર ઝા દ્વારા વારંવાર ગુના આચરતા શખસો સામે કડક કાર્યવાહી કરવા અપાયેલી સૂચના હેઠળ અધિક પોલીસ કમિશનર મહેન્દ્ર બગડીયા,ડીસીપી ઝોન ૨ રાકેશ દેસાઈ, એસીપી બી.જે.ચૌધરીના માર્ગદર્શન હેઠળ પ્ર.નગર પોલીસ સ્ટેશનના પી.આઇ. વી.આર. વાસાવાએ અગાઉ એકથી વધુ ગુનામાં પોલીસે ચોપડે ચડી ચૂકેલા કુખ્યાત શખસ સાવન ઉર્ફે લાલી સંજયભાઈ વાઘેલા(ઉ.વ. ૩૧ રહે. જામનગર રોડ વાલ્મીકી વાડી શેરી નં.૩) વિરૂધ્ધ પાસાની દરખાસ્ત તૈયાર કરી પોલીસ કમિશનર બ્રજેશકુમાર ઝાને મોકલી હતી. કમિશનરે દરખાસ્ત મંજૂરીની મહોર લગાવી આરોપી સામે પાસાનું વોરંટ ઇસ્યુ કર્યું હતું. પ્ર.નગર પોલીસને પાસાના વોરંટની બજવણી કરી આરોપી સાવન ઉર્ફે લાલી સંજયભાઈ વાઘેલાની પાસા હેઠળ અટકાયત કરી વડોદરા જેલ કરવા તજવીજ હાથ ધરી છે.

આરોપી સાવન ઉર્ફે લાલી વિરુદ્ધ પ્ર.નગર પોલીસ સ્ટેશનમાં દુષ્કર્મ, ફરજમાં રૂકાવટ, રાયોટ સહિતના પાંચ ગુના નોંધાઇ ચૂકયા છે. પાસાના વોરંટની બજવણીની આ કાર્યવાહીમાં પ્ર.નગર પોલીસ મથકના પીઆઇ વી.આર.વસાવાની રાહબરી હેઠળ પીએસઆઇ જે.બી.રાંણીગા, એએસઆઇ રવીભાઇ વાઘેલા, ઇમ્તીયાઝભાઇ, હેડ કોન્સ. જેન્તીભાઇ વાવડીયા, મયુરાજસિંહ જાડેજા, કોન્સ. સાગરભાઇ, ચાપરાજભાઇ ખવડ, તૌફિકભાઇ મંઘરા, રિયાઝભાઇ ભીપૌત્રા, વનરાજભાઇ બોરીચા, તૌફિકભાઇ જુણાચ અને ધર્મેશભાઇ મોણપરા સાથે રહ્યા હતાં.