ગીર ગઢડા તાલુકાના દ્રોણ ગામે કોઈ પણ જાતની ડિગ્રી વગર લોકોના આરોગ્ય સાથે ચેડાં કરતા અને માનવ જીંદગી સાથે ચેડાં કરતા બોગસ ડોકટરને પોલીસે ઝડપી લઈ ધોરણસરની કાર્યવાહી હાથ ધરી હતી.
ઊનાના ગીર ગઢડા તાલુકાના દ્રોણ ગામની મેઈન બજારમાં ઘણા સમયથી કોઈ પણ જાતની ડિગ્રી વગર લોકોના આરોગ્ય સાથે માનવ જીંદગી જોખમાય તે રીતે મેડિકલ પ્રેકિટસ કરતો દ્રોણ ગામનો હર્ષદ ગોપાલ ભાઈ કાતરિયાની કલીનીક ઉપર ગીર સોમનાથ જિલ્લ ાની એસ.ઓ.જી. બ્રાન્ચના એ.એસ.આઇ.આઇ.બી. બાનવા અને સ્ટાફ સાથે ગીર ગઢડા તાલુકાના હરમડીયા પ્રાથમિક આરોગ્ય કેન્દ્રના મેડિકલ ઓફિસર ડો.જગદીશભાઈ કેશુભાઈ પરમાર આ ડોકટર કાતરિયાની કિલનિકએ રેડ કરી ડિગ્રી સર્ટિફિકેટ માગતા તે હતું નહીં, આથી તેની કલીનીકમાં રાખેલ એલોપેથીક દવાઓ ઈન્જેકશન, મેડિકલના સાધનો મળી કુલ પિયા ૮૦૬૪ની કિંમત કબ્જે કરી ગીર ગઢડા પોલીસ સ્ટેશનમા આરોપી હર્ષદ ગોપાલભાઈ કાતરિયારે સામે ગુજરાત મેડિકલ પ્રેકિટસનર એકટ ૧૯૬૩ની કલમ ૩૦, ૩૬તથા ગુજરાત મેડિકલ એકટ ૧૯૬૭ની કલમ ૨૯ અને ઇન્ડિયન મેડિકલ કાઉન્સિલ એકટ ૧૯૫૬ કલમ ૧૫(૩) મુજબ ફરિયાદ નોંધાવી તેની ઉપર કાયદેસરની કાર્યવાહી કરી હતી.