બનાવની પ્રાપ્ત વિગત મુજબ ગ્રીનલેન્ડ ચોકડી પાસે શિવનગર-2માં રહેતો અને પેડક રોડ પર બી ડિવિઝન પોલીસ સ્ટેશન સામે આવેલી જ્ઞાનેશ્વર સ્કૂલમાં ધો.6માં અભ્યાસ કરતા વિરાજ વીરમભાઇ બાંભવા (ઉ.વ.12)નો બપોરે ચારેક વાગ્યે સ્કૂલમાં હતો ત્યારે ઉલ્ટી ઉબકા કરવા લાગતા શિક્ષકે પૂછતાં પોતે દવા પી લીધી હોવનું કહેતા તાકીદે સારવાર માટે સિવિલ હોસ્પિટલમાં ખસેડવામાં આવ્યો હતો. બનાવ અંગે હોસ્પિટલ ચોકીના સ્ટાફે બી-ડીવીઝન પોલીસને જાણ કરી હતી. વિરાજ બે ભાઇમાં નાનો છે. પિતા ખેતીકામ કરે છે. પરિવારજનોના જણાવ્યા મુજબ ભણવું ગમતું ન હોવાથી દવા પી ઘી હતી. આ દવા ક્યાંથી લાવ્યો હતો પૂછતાં જવાબ આપતો ન હોય સ્વસ્થ બનતા રજા આપવામાં આવી હતી.