શુક્રવારે  ભાવનગર જિલ્લામાં વરસાદની આગાહી હવામાન વિભાગે કરી હતી .બપોરબાદ  મેઘમહેર થતાં જેસરમાં ધોધમાર એક અને મહુવામાં પોણો ઈંચ વરસાદ પડ્યો હતો.ભાવનગર શહેર અને સિહોરમાં અર્ધો,પાલીતાણામાં પા ઈંચ વરસાદ પડયો હતો.ઘોઘામાં ઝાપટુ પડયુ હતુ .જ્યારે ચાર તાલુકામાં મેઘવિરામ રહયો હતો. જેસરમાં બપોર બાદ વાતાવરણમાં પલટો આવ્યો હતો અને જોતજોતામાં કાળા વાદળો ગોરંભાયા અને ધોધમાર વરસાદ તૂટી પડ્યો હતો.આથી ઠેર ઠેર પાણી ભરાયાં હતાં.સાંજ સુધીમાં એક ઇંચથી વધુ વરસાદ પડ્યો હતો.આથી ઠેર ઠેર પાણી ભરાયાં હતાં.  ભાવનગર શહેરમાં શુક્રવારે બપોરના સમયે પહેલા મધ્યમ અને બાદમાં ધોધમાર વરસાદ અર્ધો કલાક પડ્યો હતો.આથી શહેરમાં ૧૬ મિમી. ઍટલે કે અર્ધા ઇંચથી વધુ વરસાદ વરસી ગયો હતો. સિહોરમાં પણ અર્ધો ઇંચથી વધુ વરસાદ વરસી ગયો હતો.  જ્યારે મહુવામાં ૧૮ મી.મી. એટલે કે પોણો ઈંચ વરસાદ પડયો હતો.મહુવામાં આ વર્ષે સીઝન નો કુલ વરસાદ ૩૪  ઈંચથી વધુ પડ્યો છે.પાલીતાણામાં પણ હળવા , ભારે ઝાપટા વરસી ગયા હતા.જ્યારે વલભીપુર, ઉમરાળા, ગારિયાધાર અને તળાજામાં વરસાદે વિરામ લીધો હતો. ગુરૂવારે બપોર બાદ થી મોડી રાત સુધીમાં જેસરમાં ૨૯, મહુવામાં ૧૮,સિહોરમાં ૧૫, ભાવનગરમાં ૧૬,ઘોઘામાં ૫,પાલિતાણામાં ૬ મી.મી. વરસાદ નોંધાયો હતો.