બનાવની જાણવા મળતી વિગતો મુજબ, થોરાળામાં રહેતી પીન્ટુબેન શૈલેષભાઇ પરમાર(ઉ.વ. ૨૪) નામની યુવતી રાત્રીના ઘરે હતી ત્યારે સાધુવાસવાણી રોડ પર રહેતો પારસ એકટિવા લઇને ઘરે આવ્યો હતો. અહીં આવી પારસે યુવતીને ઘર બહાર બોલાવી હતી. બાદમાં કોઇ કારણસર તેણે યુવતી સાથે ઝઘડો કરી નેફામાંથી છરી કાઢી યુવતીને છરીનો ઘા ઝીંકી દીધો હતો. દેકારો થતા પારસ અહીંથી નાસી ગયો હતો. બાદમાં યુવતીને સારવાર માટે સરકારી હોસ્પિટલ ખસેડવામાં આવી હતી. આ અંગે હોસ્પિટલ ચોકીના સ્ટાફે જરૂરી કાર્યવાહી કરી હતી.