રૈયા રોડ પર નહેરૂનગર-૩માં રહેતો અજમતઉલ્લાખાન એઝાઝહુશેન શેખ (ઉ.વ.૨૭)નો યુવક ગત તા.૨૮ના સાંજે એઇમ્‍સ હોસ્‍પિટલની કેન્‍ટીનથી ચા નાસ્તો કરીને ઘરે જવા નીકળ્યો હતો ત્યારે એઇમ્‍સના ગેઇટ નજીક બાઈક આડે કુતરૂ આવતા બાઇક સ્‍લીપ થઇ હતી જેમાં યુવકને માથામાં ગંભીર ઇજા થતાં સારવાર માટે ખસેડવામાં આવ્યો હતો. પરંતુ સારવાર કારગત ન નીવડતા દમ તોડી દીધો હતો. બનાવ અંગે ગાંધીગ્રામ પોલીસને જાણ કરતા પોલીસ સ્ટાફે હોસ્પિટલ પહોંચી જરૂરી કાર્યવાહી કરી હતી મૃતદેહને પોસ્‍ટમોર્ટમ માટે ખસેડયો હતો. બનાવથી એઇમ્સના સાથી કર્મચારીઓમાં પણ ગમગીની છવાઈ છે.