જોડીયાના ખીરી ગામના પાટીયા પાસે ટ્રેકટરે બાઇકને હડફેટે લેતા કુનડ ગામના પ્લમ્બર યુવાનને ફ્રેકચર સહિતની ઇજા પહોચી હતી આથી તેમણે ટ્રેકટરના ચાલક સામે ગઇકાલે ફરીયાદ કરી હતી.

જોડીયા તાલુકાના કુનડ ગામમાં રહેતા પ્લમ્બરનું કામ કરતા હિરેન ધીરજભાઇ નકુમ (ઉ.વ.26)એ ગઇકાલે જોડીયા પોલીસમાં ટ્રેકટર નં. જીજે3જેઆર-6047ના ચાલક સામે ફરીયાદ નોંધાવી હતી.

ગત તા. 7ના સાંજના 5 વાગ્યાના સુમારે ખીરી પાટીયા પાસેના રોડ પર ઉપરોકત નંબરના ટ્રેકટરચાલકે પુરઝડપે અને બેફીકરાઇથી ચલાવી અચાનક રોડ ક્રોસ કરતા ફરીયાદીના મોટરસાયકલ સ્પ્લેન્ડર નં. જીજે10ડીજી-4161ની સાથે ટ્રેકટરની ટ્રોલી અથડાતા અકસ્માત સર્જયો હતો.

આ અકસ્માતમાં ફરીયાદી હિરેનભાઇ બાઇક સહિત નીચે પડી જતા માથા, કપાળ અને હાથના કાંડામાં ફ્રેકચર અને શરીરે નાની મોટી ઇજાઓ પહોચી હતી આથી તેઓને સારવારમાં ખસેડવામાં આવ્યા હતા ફરીયાદના આધારે ટ્રેકટરચાલકની ધરપકડ કરવા તપાસ લંબાવવામાં આવી છે.