ભાવનગર જિલ્લાના વલ્લભીપુર તાલુકાના જલાલપર ગામે આવેલી એક વાડીના કૂવામાં કોઈ કારણોસર યુવતી પડી જતાં વલ્લભીપુર અને બોટાદ ફાયરનો કાફલો દોડી ગયો હતો.અને  અંદાજે ૧૫૦ ફૂટ ઊંડા કુવામાં પડી ગયેલી યુવતીની શોધખોળ હાથ ધરી હતી. જેમાં યુવતિનો મૃતદેહ મળી આવ્યો હોવાનું જાણવા મળ્યું હતું. 
પ્રાથમિક વિગતો મુજબ વલ્લભીપુર તાલુકાના જલાલપર ગામે આવેલી ભદાભાઈ વાલજીભાઇની માલિકીની વાડીના કુવામાં અનુબેન દેવરાજભાઈ સોંલકી(ઉ. વ. ૧૮)  પગ લપસતાં કૂવામાં પડી જતાં ભારે દોડધામ મચી હતી. ઘટનાની જાણ થતા વલ્લભીપુર અને બોટાદ ફાયરના કાફલાએ દોડી જઈ રેસ્ક્યુ હાથ ધર્યુ હતું. બનાવના પગલે લોકોના ટોળા એકઠ્ઠા થયા હતા. જ્યારે જલાલપરના સરપંચ દીપકભાઈ સોંલકી તેમજ વલ્લભીપુર મામલતદારની ટીમ અને પોલીસ કાફલો દોડી ગયો હતો. દરમ્યાન આ લખાય રહ્યું છે ત્યારે અનુબેનનો મૃતદેહ કુવામાંથી મળી આવ્યો હોવાનું જાણવા મળ્યું હતું.