પંજાબના મુખ્યમંત્રી ભગવંત માનને દિલ્હી એરપોર્ટ પર ત્રણ કલાક માટે અટકાયતમાં રાખવામાં આવ્યા હોવાનો અને ઉપરથી 50,000નો દંડ ફટકારવામાં આવ્યો હોવાનો આરોપ આમ આદમી પાર્ટીએ મુક્યો છે .આ ઘટના 19 ઓક્ટોબરના રોજ બની હોવાનું કહેવાય છે.આપના રાજ્ય મીડિયા પ્રભારી બલતેજ પન્નુએ જણાવ્યું હતું કે, ભગવંત માન એક વેપાર મેળામાં હાજરી આપીને પેરિસથી પાછા ફર્યા હતા. ભાજપની આગેવાની હેઠળની કેન્દ્ર સરકારે જાણી જોઈને ભગવંત માનને "અપમાનિત" કરવા અને પંજાબની પ્રતિષ્ઠાને કલંકિત કરવાનું કામ કર્યું હતું. જ્યારે મુખ્યમંત્રી પેરિસથી પાછા ફર્યા અને દિલ્હી એરપોર્ટ પર પહોંચ્યા, ત્યારે તેમને જાણી જોઈને અટકાયતમાં લેવામાં આવ્યા. બહાના બનાવવામાં આવ્યા કે તેમનો સામાન "હજી પણ આવી રહ્યો છે" અથવા "હજી પણ તપાસ થઈ રહી છે.આપના મીડિયા પ્રભારીએ વધુમાં જણાવ્યું હતું કે ત્રણ કલાક પછી, જ્યારે ભગવંત માનને જવા દેવામાં આવ્યા અને તેમનો સામાન લોડ કર્યા પછી તેઓ જવાના હતા, ત્યારે અધિકારીઓ તેમની પાસે દોડી ગયા અને દાવો કર્યો કે તેઓ "ઉપરથી તીવ્ર દબાણ" હેઠળ છે. ત્યારબાદ, તેઓએ 50,000 નો વાહિયાત દંડ ફટકાર્યો. આ પંજાબની ઓળખ અને સન્માન પર સીધો હુમલો છે.