આર્ટિફિશિયલ ઈન્ટેલીજન્સ ઘણી રીતે મનુષ્યોને પાછળ છોડી શકે છે. આનું તાજેતરનું ઉદાહરણ સંશોધનમાં આપવામાં આવ્યું છે. ઇટાલીની જેનોઆ યુનિવર્સિટીના સંશોધનમાં દાવો કરવામાં આવ્યો છે કે આર્ટિફિશિયલ ઈન્ટેલીજન્સ ગયા વર્ષના સૌર તોફાનની આગાહી કરી શકયું હોત. જો આર્ટિફિશિયલ ઇન્ટેલિજન્સને અવકાશમાં ઐતિહાસિક ઘટનાઓ પર તાલીમ આપવામાં આવે, તો તે વધુ સારી આગાહીઓ કરી શકે છે અને તેમના પેટર્નને પણ સમજી શકે છે.
વૈજ્ઞાનિકો અવકાશ ઘટનાઓ અંગેની આગાહીઓ સુધારવા માંગે છે. તેમનું કહેવું છે કે માનવ પરીક્ષણોના પરિણામો કરતાં પ્રારંભિક ચેતવણી વધુ મહત્વપૂર્ણ છે. આગાહીઓ કરવા માટે માનવીએ સૌર ગ્રહોની તસ્વીરો અને ડેટા પર આધાર રાખવો પડે છે. આ જ કારણ છે કે ઘણી વખત તેની આગાહીઓ કે શબ્દો સચોટ સાબિત થતા નથી. તે ઘટનાનો ચોક્કસ સમય કહી શકતો નથી.
અવકાશની ઘટનાઓ અને મોડેલ વિકાસને સમજવામાં પ્રગતિ હોવા છતાં, કોરોનલ માસ ઇજેકશન મુસાફરીની સંપૂર્ણ આગાહી અને અપેક્ષા રાખવી હજુ સુધી શકય બન્યું નથી. સરેરાશ, તે લગભગ ૧૨ કલાક લે છે.
સરળ શબ્દોમાં કહીએ તો, કોરોનલ માસ ઇજેકશન (સીએમઈ) એ સૂર્યમાંથી નીકળતા પ્લામાનો વિસ્ફોટ છે. તેમાં સૂર્યના બાહ્ય ભાગ અથવા કોરોનામાંથી નીકળતા ગેસ અને ચુંબકીય ક્ષેત્રોના પરપોટાનો સમાવેશ થાય છે. વૈજ્ઞાનિકો ચોક્કસ સમય શોધવા માટે એઆઈને સામેલ કરવા માંગે છે.
સંશોધકો કહે છે કે એઆઈ મોડેલ આગાહી પ્રક્રિયામાં અવકાશી તસવીરોના ડેટાનો વધુ ઉપયોગ કરે છે અને અન્ય હવામાન પરિમાણોનો પણ વધુ ઉપયોગ થાય છે. તે સૌર વાતાવરણના વ્યવહારમાં સૌથી સૂમ સંકેતો પણ શોધે છે, જેમ કે ચુંબકીય ક્ષેત્રની શકિતમાં ફેરફાર, સૌર પવનની ગતિ અને સૌર વાળાઓની હાજરી. આ જ કારણ છે કે તેની આગાહીઓ વધુ સચોટ હોઈ શકે છે.
સૂર્યનો કોરોના એ સૂર્યના વાતાવરણનો સૌથી બહારનો ભાગ છે. તે વાયુઓથી બનેલું છે. કોરોનલ માસ ઇજેકશન દરમિયાન, સૂર્યનું કોરોના પ્લામા અને ચુંબકીય ક્ષેત્ર ઉત્પન્ન થાય છે. આને કારણે, વાદળોમાં વીજળી ધરાવતો ગેસ વહે છે. તેઓ એક સેકન્ડમાં સેંકડો કિલોમીટરની મુસાફરી કરે છે અને તેના કારણે, માનવો માટે ઉપલબ્ધ ઘણી સુવિધાઓ ખોરવાઈ જાય છે. જેમ કે કોમ્યુનિકેશન સિસ્ટમ્સ, જીપીએસ નેવિગેશન, હવાઈ મુસાફરી અને ઉપગ્રહો. સમયસર ચેતવણી મેળવીને, ઉકેલો શોધી શકાય છે. ભવિષ્યની આગાહીઓને સુધારવા અને સૂર્યની આંતરિક પ્રક્રિયાઓ વિશે આપણી સમજ વધારવા માટે વધુ વિશ્લેષણની જર છે. આમાં એઆઈ મદદપ સાબિત થઈ શકે છે