ભાવનગર જિલ્લાના માર્ગો પર છેલ્લા કેટલાક સમયથી અકસ્માતો સર્જાઈ રહ્યા છે. જે પૈકી કેટલાક અકસ્માતો જીવલેણ પુરવાર થયા છે. ખાસ કરીને જિલ્લાના તળાજા, મહુવા તેમજ રાજુલા અને સાવરકુંડલાના માર્ગો પર અકસ્માતોની સંખ્યા વધી રહી છે. જેમાં ગત મોડી રાત્રે વધુ એક અકસ્માતની ઘટનાનો ઉમેરો થયો છે.ભાવનગર જિલ્લાના મહુવા-સાવરકુંડલા રોડ પર ડુંડાસ નજીક મોડી રાત્રે બોલેરો અને ટ્રેક્ટર વચ્ચે ધડાકાભેર  અકસ્માત  સર્જાયો હતો. આ અકસ્માતમાં ત્રણ લોકોને ગંભીરઓ ઇજાઓ થતા   સારવાર માટે હોસ્પિટલમાં  ખસેડાયા
હતા. અકસ્માતના પગલે ટ્રાફિક જામના દ્રશ્યો સર્જાયા હતા. ઘટનાની જાણ થતા પોલીસે દોડી જઈ જરૂરી કાર્યવાહી હાથ ધરી હતી.