વેનેઝુએલા બળવાને એક મહિનાથી પણ ઓછો સમય થયો છે ત્યારે હવે અમેરિકાએ કેરેબિયન દેશ ક્યુબા પર નજર રાખી છે. ટ્રમ્પે ક્યુબા પર હુમલો કરવાની ધમકી આપી છે, જેના કારણે ક્યુબામાં ગભરાટ ફેલાયો છે. યુદ્ધના ડરથી ગેસ સ્ટેશનો અને કરિયાણાની દુકાનો પર લોકોની લાંબી લાઇનો લાગી ગઈ છે.નોંધનીય છે કે

વેનેઝુએલા ક્યુબાનો સૌથી મોટો તેલ સપ્લાયર છે. ટ્રમ્પે કહ્યું છે કે એકવાર વેનેઝુએલા ક્યુબાને તેલ અને પૈસા પૂરા પાડવાનું બંધ કરી દેશે, તો ક્યુબાની સરકાર પડી ભાંગશે.થોડા સમય પહેલા જ યુએસ સૈન્યએ વેનેઝુએલાની રાજધાની કારાકાસ પર હુમલો કર્યો અને રાષ્ટ્રપતિ નિકોલસ માદુરો અને તેમની પત્ની સિલિયા ફ્લોરેસની ધરપકડ કરી. ત્યારથી, ટ્રમ્પ સતત ક્યુબાને ધમકી આપી રહ્યા છે.તો બીજી તરફ ક્યુબા પણ ઝૂકવા તૈયાર નથી.

વેનેઝુએલા પર બળવા બાદ, ઉપરાષ્ટ્રપતિ ડેલ્સી રોડ્રિગ્ઝને વચગાળાના પ્રમુખ તરીકે નિયુક્ત કરવામાં આવ્યા છે. ટ્રમ્પ કહે છે કે વેનેઝુએલા સરકાર હવે અમેરિકાના ઇશારે કાર્ય કરશે. દરમિયાન, એક યુએસ માનવાધિકાર સંગઠને કરાકાસ પર યુએસ હુમલાને આંતરરાષ્ટ્રીય કાયદાનું ઉલ્લંઘન જાહેર કર્યું છે.

ક્યુબાએ ટ્રમ્પની ઓફર ફગાવી

ટ્રમ્પે ક્યુબાને સમાધાનની ઓફર કરી હતી. જોકે, ટ્રમ્પની ધમકીઓનો જવાબ આપતા, ક્યુબાના રાષ્ટ્રપતિએ સ્પષ્ટ કર્યું છે કે તેઓ અમેરિકા સામે ઝૂકશે નહીં. તેમણે કહ્યું કે અમેરિકા ક્યુબા પર બળજબરીથી દબાણ કરી શકે નહીં.