રાજ્યમાં બીજા પખવાડીયામાં રાજયના તમામ જિલ્લાઓમાં નોંધાયેલ કમોસમી વરસાદની વ્યાપકતા અને નુકસાનીના કારણે થયેલ પાક નુકસાની સંદર્ભે ખેડૂતોને સહાય આપવા માટે "કૃષિ રાહત પેકેજ ઓક્ટોબર-૨૦૨૫"  જાહેર કરવામાં આવેલ છે. 

જેમાં દેવભૂમિ દ્વારકા જિલ્લાના તમામ ખેડૂત ખાતેદારોને ખરીફ ૨૦૨૫ ઋતુમાં વાવેતર કરેલ પાકોમાં ૩૩% કે તેથી વધુ નુકસાન થયેલ હોય, તેમને રૂ. ૨૨,૦૦૦/- પ્રતિ હેકટર લેખે સહાય મળવાપાત્ર થશે.

જિલ્લાના તમામ અસરગ્રસ્ત ખેડૂતોને વહેલી તકે ઓનલાઈન અરજી કરી આ પેકેજનો લાભ લેવા વિનંતી છે, તેમ જિલ્લા ખેતીવાડી અધિકારી, દેવભૂમિ દ્વારકાની યાદીમાં જણાવાયું છે.