આલિયા ભટ્ટ બની ગઈ લેખિકા
ખુબસુરત ફિલ્મ અભિનેત્રી અને નિર્માતા બન્યા બાદ આલિયા ભટ્ટ હવે લેખિકા બની ગઈ છે. તેણે હાલમાં જ તેનું પહેલું પુસ્તક લોન્ચ કર્યું છે.
અભિનેત્રી અને નિર્માતા બન્યા પછી, આલિયા ભટ્ટે રવિવારે જાહેરાત કરી કે તે બાળકોના ચિત્ર પુસ્તક 'ધ એડવેન્ચર્સ ઓફ એડ-એ-મમ્મા: એડ ફાઈન્ડ્સ અ હોમ' સાથે લેખક બની છે.જણાવી દઈએ કે ગંગુબાઈ કાઠિયાવાડી, બ્રહ્માસ્ત્ર અને હોલીવુડની ફિલ્મ હાર્ટ ઓફ સ્ટોન જેવી ફિલ્મોમાં કામ કરી ચૂકેલી આલિયા ભટ્ટનું પોતાનું પ્રોડક્શન હાઉસ છે, જેમાં એમેઝોન પ્રાઇમ વીડિયોના પોચરનું નિર્માણ કરવામાં આવ્યું હતું.હાલમાં જ આલિયાએ તેના ઈન્સ્ટાગ્રામ પેજ પર પુસ્તક વિશેની માહિતી શેર કરી છે. 'એડ ફાઈન્ડ્સ અ હોમ' એ આલિયાના બાળકોના કપડાની બ્રાન્ડ એડ-એ-મમ્મા દ્વારા પ્રેરિત શ્રેણીનું પ્રથમ પુસ્તક છે. બાળકોના પુસ્તકના ચિત્રકાર તન્વી ભટ્ટે આ પુસ્તક માટે ચિત્રો બનાવ્યા છે.તાજેતરમાં આલિયા ભટ્ટ, તેની માતા સોની રાઝદાન અને બહેન શાહીન ભટ્ટ તેના પુસ્તકના વિમોચન માટે એક કાર્યક્રમમાં હાજર રહી હતી. આ દરમિયાન તે સ્લીવલેસ ફ્લોરલ પ્રિન્ટ મેક્સી ડ્રેસમાં જોવા મળી હતી, જેમાં ફેન્સ તેના લુકના વખાણ કરતા થાકતા નથી. આ કાર્યક્રમ દરમિયાન તે તેના નાના ચાહકોને પણ મળી હતી. નોંધનીય છે કે આલિયા ભટ્ટ 19 મહિનાની પુત્રીની માતા છે. તે તેની પુત્રી સાથે પતિ રણવીર સિંહ સાથે જોવા મળી હતી. આ સિવાય તે રાહા સાથેની ક્યૂટ તસવીરો પણ સોશિયલ મીડિયા પર શેર કરતી રહે છે.