રાજકોટ પડધરીના વણપરી પાસે વીજ પોલ પરથી રૂ. 3.43 લાખની કિંમતનો 1200 મીટર એલ્યુમિનિયમ વાયરની ચોરી થયા અંગે પડધરી પોલીસ મથકમાં ફરિયાદ નોંધાવવામાં આવી છે. પોલીસે સીસીટીવી ફૂટેજના આધારે તસ્કરોને ઝડપી લેવા તપાસ હાથ ધરી છે.જામનગર જિલ્લાના બેડ ગામના રહેતા વેપારી અજયસિંહ કેશુભા જાડેજા(ઉ.વ.૩૦) એ નોંધાવેલી ફરિયાદમાં જણાવ્યું હતું કે, તે બાલાજી ડેવલોપર્સ કંપની ફેબ્રુઆરી,૨૦૨૫ થી ચલાવે છે. આ કંપનીમા બે પાર્ટનર છે. કંપનીનું કામ સોલારને લગતું છે અને મને ક્લીનમેક્સ વાયુ લિમિટેડ નામની કંપનીમાંથી વર્ષ-૨૦૨૫માં ધ્રોલના ડાંગરા ગામથી પડધરીના શ્રી હરીપર ખારી સુધીનું અંદાજીત ૨૨ કી.મી.નું ૩૩ કે. વી. લાઈન ફીટ કરવાનું કામ મળેલુ છે.