હજુ સુધી એ સ્પષ્ટ નથી કે આગામી સીઈઓ કોણ હશે. જોકે, એપલના સિનિયર વાઇસ પ્રેસિડેન્ટ (હાર્ડવેર એન્જિનિયરિંગ) જોન ટર્નસને આ પદ માટે અગ્રણી દાવેદાર માનવામાં આવે છે. ફાઇનાન્શિયલ ટાઈમ્સે તેના અહેવાલમાં ઘણા લોકોનો ઉલ્લેખ કરીને એપલના આગામી સીઈઓ માટે જોન ટર્નસને દાવેદાર તરીકે સૂચવ્યું છે. એપલે હજુ સુધી આ બાબતે કોઈ સત્તાવાર રીતે જાહેરાત કરી નથી. લગભગ 14 વર્ષ સુધી એપલનું નેતૃત્વ કર્યા પછી, ટિમ કૂક હવે નિવૃત્ત થઈ શકે છે. એપલ આવતા વર્ષની શરૂઆતમાં તેના આગામી સીઈઓની જાહેરાત કરે તેવી અપેક્ષા છે.

2011 માં સ્ટીવ જોબ્સના રાજીનામા પછી ટિમ કૂકે એપલનો કાર્યભાર સંભાળ્યો. નોંધનીય છે કે ટિમ કૂક 1998 માં એપલમાં જોડાયા હતા. તે સમયે, કંપની ઘણી મુશ્કેલીઓમાંથી પસાર થઈ રહી હતી. સ્ટીવ જોબ્સે એપલની ઓપરેશન્સ ટીમને નવી દિશામાં આગળ વધારવા માટે ટિમ કૂકને નોકરી પર રાખ્યા હતા.

તેમણે 2005 થી 2011 સુધી કંપનીના ચીફ ઓપરેટિંગ ઓફિસર તરીકે સેવા આપી. આ સમય દરમિયાન, તેમણે વૈશ્વિક સ્તરે આઇપોડ, મેકબુક, આઇફોન અને iPad જેવા ઉત્પાદનો માટે સપ્લાય ચેઇનને મજબૂત બનાવી. એવું માનવામાં આવે છે કે ટિમ કૂકે એપલના મોટા પાયે પ્રોડક્ટ લોન્ચમાં મહત્વની ભૂમિકા ભજવી હતી.

તેઓ 2011 માં સીઈઓ બન્યા. સ્ટીવ જોબ્સની માંદગી દરમિયાન પણ, ટિમ કૂકે કંપનીના વચગાળાના સીઈઓ તરીકે સેવા આપી હતી. 24 ઓગસ્ટ, 2011 ના રોજ, સ્ટીવ જોબ્સે ટિમ કૂકને એપલના સીઈઓ તરીકે નિયુક્ત કર્યા. કૂકના નેતૃત્વ હેઠળ, એપલે ઘણા મહત્વપૂર્ણ સીમાચિહ્નો હાંસલ કર્યા. કૂકના સીઈઓ તરીકેના કાર્યકાળ દરમિયાન, કંપનીએ એપલ વોચ, એરપોડ્સ, એમ 1, એમ 2, અને એમ 3 સિલિકોન ચિપ્સ અને એપલ વિઝન પ્રો જેવા નવા ઉત્પાદનો લોન્ચ કર્યા. આ સાથે, એપલ $3 ટ્રિલિયનના મૂલ્યાંકન સુધી પહોંચનારી પ્રથમ કંપની બની. ટિમના નેતૃત્વ હેઠળ, આઈકલાઉડ, એમયુઝીક, એપલ ટીવી પ્લસ અને એપ સ્ટોર જેવા સેવા વ્યવસાયોનો વિસ્તાર થયો છે.