તાજેતરના અહેવાલોમાં દાવો કરવામાં આવ્યો છે કે એપલ ડબલ્યુડબલ્યુડીસી 2025 દરમિયાન, આઈઓએસ 19 ને બદલે આઈઓએસ 26 લોન્ચ કરી શકાય છે. આ સાથે, અન્ય ડિવાઈસ માટે આવતી ઓપરેટિંગ સિસ્ટમના નામ પણ બદલી શકાય છે.

કંપની પાસે વિવિધ સેગમેન્ટના ઉત્પાદનો માટે અલગ અલગ નામો સાથે ઓએસ છે. જ્યાં આઈપેડ માટે આઈપેડઓએસ , એપલ વોચ, વોચ ઓએસ અને ટીવી માટે ટીવી ઓએસ છે. આ ઓએસ અલગ અલગ સમયે લોન્ચ કરવામાં આવ્યા હતા, જેના કારણે બધાના નામ પાછળ નંબરોની એક અલગ શ્રેણી છે.

રિપોર્ટ્સ અનુસાર, હવે કંપની તેના ઓએસના નંબરમાં એકરૂપતા લાવવા માટે તમામ ઓપરેટિંગ સિસ્ટમના નામ બદલવા જઈ રહી છે. આમાં, કંપની ફક્ત છેલ્લા અંકમાં ફેરફાર કરશે.રિપોર્ટ્સમાં જણાવાયું છે કે ઓપરેટિંગ સિસ્ટમના નવા નામ આઈઓએસ 26, આઈપેડઓએસ 26, મેકઓએસ 26, વોચ ઓએસ 26, ટીવી ઓએસ 26 અને વિઝન ઓએસ 26 હશે. હાલમાં, આ આઈઓએસના નામ આઈઓએસ 18, વોચ ઓએસ 12 અને વિઝન ઓએસ 2 જેવા છે. સેમસંગ અને માઇક્રોસોફ્ટ બંનેએ વર્ષ-આધારિત નંબર સિસ્ટમનો ઉપયોગ કર્યો છે. હવે એપલ કંપની પણ સમાન સિસ્ટમને અનુસરી શકે છે. જો કે, કંપનીએ હજુ સુધી આ માહિતીની પુષ્ટિ કરી નથી.