સુમરી ભલસાણ ગામમાં ભેસો ચરાવવાના મનદુ:ખમાં હુમલો

May 06, 2025 01:13 PM

ધારીયુ અને પાઇપ મારી ઇજા પહોચાડી : ત્રણ સામે ફરીયાદ

જામનગર તાબેના સુમરી ભલસાણ ગામમાં ભેસો ચરાવવાના મનદુ:ખના મામલે માથાકુટ કરીને એક યુવાન પર ધારીયુ-પાઇપ વડે હુમલો કરી ઇજા પહોચાડયાની ગામમાં રહેતા ત્રણ શખ્સ વિરુઘ્ધ ફરીયાદ કરવામાં આવી છે.

જામનગર તાલુકાના સુમરી ભલસાણ ગામમાં રહેતા ખેતી કરતા મજબુત ગંગુભાઇ છૈયા સાથે અગાઉ આરોપી જયદીપએ ભેસો ચરાવવા બાબતે બોલાચાલી થઇ હતી જેનો ખાર રાખીને ગઇકાલે સાંજના સુમારે ફરીયાદી ભેસો ચરાવતા હોય ત્યારે આરોપી મયુરે ભેસો કેમ રસ્તા પર છે તેમ કહીને બોલાચાલી કરી હતી અને ત્યાથી જતો રહયો હતો.

ત્યાર બાદ આરોપીઓ હથિયાર લઇને ફુલઝર નદી પાસે આવ્યા હતા અને ફરીયાદી મજબુતભાઇને માથાના ભાગે ધારીયુ મારી નીચે પાડી દીધા હતા તેમજ પાઇપ વડે આડેધડ માર મારી હાથ, પગ, છાતી અને વાંસામાં મુંઢ ઇજા પહોચાડી હતી.

આ અંગે મજબુતભાઇ છૈયાએ પંચકોશી-એમાં સુમરી ભલસાણમાં રહેતા ખીમા ટપુ છૈયા, જયદીપ ખીમા છૈયા, મયુર ખીમા છૈયાની વિરુઘ્ધ ફરીયાદ કરતા તપાસ ચલાવવામાં આવી રહી છે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application