રાજકોટમાં ભાજપ મહિલા કોર્પોરેટરને પગમાં અકસ્માતે ગોળી વાગી જવાની ઘટના બની છે. જેમાં ભાજપના કોર્પોરેટર અનિતાબેન ગોસ્વામીને અકસ્માતે પગમાં ગોળી વાગી છે. કબાટમાંથી ઘરેણાં કાઢતી વખતે બંદૂક નીચે પડતા તેમાંથી અચાનક ફાયરિંગ થયું અને પગમાં ગોળી વાગતા તેમને સારવાર હેઠળ હોસ્પિટલમાં ખસેડવામાં આવ્યા છે.

રાજકોટ ભાજપના મહિલા કોર્પોરેટર અનિતાબેનને પગના ભાગે ગોળી વાગી છે. ઘરના કબાટમાંથી ઘરેણા કાઢતા હતા તે દરમિયાન તેમના પતિની લાયસન્સવાળી બંદૂક નીચે પડી હતી અને તેમાંથી અચાનક ફાયરિંગ થયું હતું. ગોળી વછૂટી સીધી અનિતાબેનના પગના ભાગે વાગી હતી. આથી પગમાંથી લોહી નીકળતા તેમને તાત્કાલિક સારવાર હેઠળ હોસ્પિટલમાં ખસેડવામાં આવ્યા છે. સમગ્ર ઘટનાને લઈ ભક્તિનગર પોલીસે ગુનો નોંધીને વધુ તપાસ હાથ ધરી છે.

અકસ્માતે પગમાં ગોળી વાગી
રાજકોટ ભાજપના મહિલા નગરસેવિકા અનિતાબેન ગોસ્વામીને અકસ્માતે પગમાં ગોળી વાગતા દોડધામ મચી હતી. લગ્ન પ્રસંગમાં જવા માટે કબાટમાંથી ઘરેણાં કાઢતી વખતે પતિને લાયસન્સ ધરાવતી બંદૂક નીચે પડી જતા ફાયરિંગ થયું હતું. અનિતાબેનને ખાનગી હોસ્પિટલમાં સારવાર હેઠળ ખસેડવામાં આવ્યા છે અને પોલીસે ગુનો નોંધીને વધુ તપાસ હાથ ધરી છે. બંદૂકમાંથી એક રાઉન્ડ ફાયરિંગ થયુ હોવાની વાત સામે આવી છે. અનિતાબેન રાજકોટ મહાનગરપાલિકાના વોર્ડ નં. 17ના ભાજપના કોર્પોરેટર છે.