હૃદયના દર્દીઓ માટે દરેક પ્રકારની કસરત સુરક્ષિત હોતી નથી, તેથી વર્કઆઉટ શરૂ કરતા પહેલા સાચી માહિતી અને સાવચેતી રાખવી અત્યંત અનિવાર્ય છે. હેલ્થ એક્સપર્ટ્સના મતે, યોગ્ય રીતે કરવામાં આવેલી શારીરિક પ્રવૃત્તિ હૃદયને મજબૂત બનાવવાની સાથે સ્વાસ્થ્યને અદભુત ફાયદા પહોંચાડે છે.અમેરિકન હાર્ટ એસોસિએશન (AHA) ના રિપોર્ટ અને આરોગ્ય નિષ્ણાતોના આધારે હાર્ટ પેશન્ટ માટે કઈ કસરતો શ્રેષ્ઠ છે તેની વિગતો નીચે મુજબ છે

શા માટે જરૂરી છે હાર્ટ પેશન્ટ માટે કસરત?

બ્લડ પ્રેશર અને કોલેસ્ટ્રોલ પર નિયંત્રણ
નિયમિત કસરત કરવાથી હાઈ બ્લડ પ્રેશર ઓછું થાય છે અને નસોમાં લોહીનું પરિભ્રમણ સુધરે છે. તે શરીરમાં ગુડ કોલેસ્ટ્રોલ વધારે છે અને બેડ કોલેસ્ટ્રોલ ઘટાડે છે.સુગર અને વજન કંટ્રોલ: તેનાથી બ્લડ સુગર અને શરીરનું વજન નિયંત્રિત રહે છે તેમજ ઊંઘ અને એનર્જી લેવલમાં સુધારો થાય છે.
હૃદયના દર્દીઓ માટે ૪ સૌથી સુરક્ષિત વર્કઆઉટબ્રિસ્ક વૉક
હાર્ટ પેશન્ટ માટે આ સૌથી સરળ અને ફાયદાકારક કસરત છે, જેનાથી સાંધા પર દબાણ આવતું નથી. શરૂઆતમાં દરરોજ ૧૦-૧૫ મિનિટ સામાન્ય ગતિએ ચાલવું અને ધીમે-ધીમે ક્ષમતા મુજબ આ સમય વધારીને ૩૦ મિનિટ સુધી લઈ જવો.
સાયકલિંગ
સાયકલ ચલાવવાથી સાંધા પર ઓછો ભાર પડે છે અને હૃદયના ધબકારા સરળતાથી મોનિટર કરી શકાય છે. ગઠિયા (આર્થરાઈટિસ) કે બેલેન્સની સમસ્યા વાળા દર્દીઓ માટે આ ઉત્તમ કસરત છે.
સ્વિમિંગ 
આ એક સુરક્ષિત અને લો-ઈમ્પેક્ટ એરોબિક એક્સરસાઇઝ છે. પાણીમાં તરવાથી શરીરનું વજન સંતુલિત રહે છે, લોહીનો પ્રવાહ સુધરે છે અને હૃદય કે સાંધા પર વધારાનું દબાણ આવતું નથી.યોગાભ્યાસ: નિયમિત યોગ કરવાથી રક્તવાહિનીઓમાં લવચીકતા (ફ્લેક્સિબિલિટી) વધે છે, જે હાઈ બ્લડ પ્રેશરને કાબૂમાં રાખે છે અને હૃદયની કાર્યપ્રણાલીને સ્થિર કરે છે.